কমলপুৰত বিধ্বংসী অগ্নিকাণ্ড
বাইহাটাৰ কমলপুৰত বিধ্বংসী অগ্নিকাণ্ড । কমলপুৰৰ আল্টাত নিৰ্মীয়মান অৱস্থাত থকা এটা উদ্যোগত সংঘটিত হয় এই ভয়ংকৰ অগ্নিকাণ্ড । ওৱেলডিং মেচিনৰ পৰা ওলোৱা জুইৰ পৰা এই অগ্নিকাণ্ডৰ সূত্ৰপাতৰ আশংকা কৰিছে স্থানীয় লোকে । সম্প্ৰতি উদ্যোগটোৰ পৰা নিৰ্গত ক'লা ধোৱাই আৱৰি ধৰিছে সমগ্ৰ অঞ্চলটো ৷ দুখনকৈ অগ্নি নিৰ্বাপক বাহিনীৰ বাহনে জুই নিৰ্বাপনৰ চেষ্টা অব্যাহত ৰাখিছে যদিও সম্পূৰ্ণৰূপে সফল হোৱা নাই ৷ এই বিধ্বংসী অগ্নিকাণ্ডত কেইবাকোটি টকাৰ সা-সম্পত্তিৰ লোকচান হোৱাৰ আশংকা প্ৰকাশ কৰিছে স্থানীয় লোকসকলে ৷
ত্ৰিপুৰাত দশম আৰু দ্বাদশ শ্ৰেণীৰ পৰীক্ষা বাতিল
Tripura Board of Secondary Education (TBSE)এ শনিবাৰে 2021 চনৰ দশম আৰু দ্বাদশ শ্ৰেণীৰ পৰীক্ষা বাতিল কৰাৰ সন্দৰ্ভত এক বিজ্ঞপ্তি প্ৰকাশ কৰে ৷ বিজ্ঞপ্তিত উল্লেখ কৰা অনুসৰি, ক’ভিড-19ৰ ভয়াৱহ পৰিস্থিতিৰ প্ৰতি লক্ষ্য ৰাখি দশম আৰু দ্বাদশ শ্ৰেণীৰ শিক্ষাৰ্থীৰ বাবে সকলো ব'ৰ্ডৰ পৰীক্ষা বাতিল কৰা সিদ্ধান্ত গ্ৰহণ কৰা হয় ৷
কিয় গছ কাটিব নোৱাৰি ৰাজস্থানৰ মাদালদাত ?
এখন গাঁও... যি ফালেই চকু যায়, সেই ফালেই সেউজীয়া প্ৰাকৃতিক পৰিৱেশ । বিশুদ্ধ বায়ু, শান্ত পৰিৱেশে মন-মস্তিষ্ক শীতল কৰিব আপোনাৰ । ইয়াত গছ কটাৰ কথা চিন্তা কৰাটোও যেন এক পাপ । ক'ত আছে এই গাঁওখন ! চাওঁ আহক আমাৰ এই প্ৰতিবেদন...
ক্ৰীড়া বিশ্ববিদ্যালয়ত থাকিব মিলখা সিঙৰ নামত সংৰক্ষিত আসন
বিশিষ্ট ক্ৰীড়াবিদ মিলখা সিঙৰ (Milkha Sing) স্মৃতিৰক্ষাৰ বাবে গুৰুত্বপূৰ্ণ ঘোষণা পঞ্জাৱৰ মুখ্যমন্ত্ৰী কেপ্টেইন অমৰিন্দৰ সিঙৰ (Amrindar Sing)। পাটিয়ালাৰ ক্ৰীড়া বিশ্ববিদ্যালয় (Patiala sports university)ত থাকিব ক্ৰীড়া তাৰকা মিলখা সিঙৰ (Milkha Sing) নামত বিশেষ আসন ।
ড৹ মামণি ৰয়ছম গোস্বামীৰ এসময়ৰ সহায়িকা এতিয়া শয্যাশায়ী
জটিল ৰোগত আক্ৰান্ত, এসময়ত ড৹ মামণি ৰয়ছম গোস্বামীৰ লগত ছাঁৰ দৰে লাগি থকা নিলিমা দাস ৷ ধনৰ অভাৱত বিচনাতেই পৰি থাকিব লগাত পৰিছে নিলিমা দাসে ৷ নিলিমা দাসৰ দুদৰ্শা দেখিও উপায়হীন হৈ পৰিছে পৰিয়ালৰ লোক ৷
কলাগুৰুৰ সমাধিস্থলীত জ্যেষ্ঠ পুত্ৰ পৃথ্বিৰাজ ৰাভাৰ শ্ৰদ্ধাঞ্জলি জ্ঞাপন
আজি কলাগুৰু বিষ্ণু প্ৰসাদ ৰাভাৰ ৫২ সংখ্যক মৃত্যু তিথি ৷ সমগ্ৰ অসমৰ লগতে কলাগুৰুৰ জ্যেষ্ঠ পুত্ৰ পৃথ্বিৰাজ ৰাভাই তেজপুৰ কলিবাৰীত ৰাভাৰ সমাধিস্থলীত বন্তি প্ৰজ্বলন কৰি পিতৃক স্মৰণ কৰে ৷
তিনিচুকীয়াত মুখ্যমন্ত্ৰী ড৹ হিমন্ত বিশ্ব শৰ্মা
ক'ভিডৰ সংক্ৰমণ,বান সমস্যা আদি কেইবাটাও বিষয় সন্দৰ্ভত শনিবাৰে তিনিচুকীয়া জিলা উপায়ুক্ত কাৰ্যালয়ত এক গুৰুত্বপূৰ্ণ আলোচনাত মিলিত হয় মুখ্যমন্ত্ৰী ড৹ হিমন্ত বিশ্ব শৰ্মা (Himanta Biswa Sarma) ৷ সাম্ভাব্য বান পৰিস্থিত ৰোধ কৰা আৰু বৰ্তমানৰ ক'ভিড পৰিস্থিতি ৰোধ কৰাৰ ক্ষেত্ৰত কেইবাটাও গুৰুত্বপূৰ্ণ পৰামৰ্শ প্ৰদান মুখ্যমন্ত্ৰীৰ ৷
চিৰাঙৰ বিজনীত এহেজাৰ গছপুলি ৰোপণ
মিচন টেন কে(Mission 10k)ৰ জৰিয়তে সেউজ বিজনী গঢ়াৰ লক্ষ্যেৰে চিৰাঙৰ বিজনী চহৰত গছপুলি ৰোপণৰ শুভাৰম্ভ । বিজনীৰ মহকুমাধিপতিৰ কাৰ্যালয়ৰ চৌহদত এহেজাৰ গছ পুলি ৰোপণেৰে এই পৰিকল্পনাৰ শুভাৰম্ভ কৰা হয় ৷ এই অনুষ্ঠানত বিজনীৰ মহকুমাধিপতি আৰু বিজনীৰ বিধায়ক অজয় ৰায় উপস্থিত থাকে ।
কমিগঞ্জত নিজাববীয়াকৈ সাজি উলিওৱা হ'ল ক'ভিড কেয়াৰ চেণ্টাৰ
কৰিমগঞ্জৰ বাদশাহী টিলা গাঁৱৰ ৰাইজে নিজাববীয়াকৈ সাজি উলিয়ালে এটা ক'ভিড কেয়াৰ চেণ্টাৰ ৷ গাঁওখনৰ ক'ভিড আক্ৰান্ত ৰোগীক সহায় কৰাৰ লগতে গাঁওখনত গণসক্ৰমণ ৰোধ কৰাৰ বাবে গাঁওবাসীয়ে গ্ৰহণ কৰে এই ব্যৱস্থা ৷
বিশ্বনাথত দমন কৰা হ’ব জাপানীজ্ এনকেফেলাইটিছ আৰু মেলেৰীয়া
জাপানীজ এনকেফেলাইটিছ আৰু মেলেৰীয়া প্ৰতিৰোধ কৰিবৰ বাবে বিশ্বনাথ জিলা প্ৰশাসনে চলাইছে ব্যাপক প্ৰস্তুতি ৷ স্বাস্থ্য আৰু অন্যান্য সংশ্লিষ্ট বিভাগসমূহক সমগ্ৰ জিলাখনতে জাপানীজ্ এনকেফেলাইটিছ আৰু মেলেৰীয়াৰ প্ৰাৰ্দুভাৱৰ বিৰুদ্ধে সজাগতা অভিযান আৰু ব্যৱস্থা গ্ৰহণ কৰিবলৈ নিদেৰ্শ বিশ্বনাথৰ উপায়ুক্ত প্ৰণৱ কুমাৰ শৰ্মাৰ ৷
