সন্ধিয়া 7 বজাৰ দহটা শীৰ্ষ বাতৰি :
Encounter: আৰক্ষীৰ গুলীচালনাত নিহত দুৰ্ধৰ্ষ ডকাইত
শনিবাৰে নিশা চামগুৰিৰ খাটোৱালত আৰক্ষী(Police) আৰু ডকাইতৰ(Dacoit) মাজত ভয়াৱহ গুলীয়াগুলিৰ(Encounter) ঘটনা ৷ উক্ত গুলীয়াগুলিত দুগৰাকীকৈ আৰক্ষী আহত হোৱাৰ বিপৰীতে নিহত হয় এটা দুৰ্ধৰ্ষ ডকাইত ৷
PM-KISAN ৰ পৰৱৰ্তী কিস্তি 9 আগষ্টত মুকলি কৰিব প্ৰধানমন্ত্ৰীয়ে
সোমবাৰে ভিডিঅ’ কনফাৰেঞ্চযোগে প্ৰধানমন্ত্ৰী কিষাণ সন্মান নিধিৰ পৰৱৰ্তী কিস্তিৰ ধন মুকলি কৰিব প্ৰধানমন্ত্ৰী মোডীয়ে ৷ ইয়াৰ পূৰ্বে যোৱা 14 মে’ত এই আঁচনিৰ 8 সংখ্যক কিস্তি মুকলি কৰি দিয়া হৈছিল ৷
অলিম্পিকৰ পদক বিজয়ী লৈ BYJU-ৰ বিশেষ উপহাৰ
টকিঅ' অলিম্পিকত সোণৰ পদক লাভ কৰা নীৰজ চোপ্ৰাক ২ কোটি টকাৰ উপহাৰ ঘোষণা BYJU ৰ । ব্যক্তিগত শিতানত পদক লাভ কৰা মীৰাবাঈ চানু, ৰবি কুমাৰ দাহিয়া, লাভলীনা বৰগোঁহাই, পি ভি সিন্ধু আৰু বজৰং পুনিয়াকো ১ কোটিকৈ টকা উপহাৰ হিচাপে আগবঢ়োৱাৰ কথা ঘোষণা কৰে কোম্পানীটোৱে ।
ঐতিহাসিক ঢেকীয়াখোৱা বৰনামঘৰত পাল নামৰ প্ৰস্তুতি
অনিশ্চয়তাৰ মাজতো ঐতিহাসিক ঢেকীয়াখোৱা বৰনামঘৰত ভাদ মাহৰ পাল নামৰ প্ৰস্তুতি তুংগত ৷ ইতিমধ্যে ভক্তসকলক আদৰিবলৈ সজাই পৰাই তুলিছে নামঘৰ চৌহদ ৷
একেদিনাই সাতটা আধাৰশিলা স্থাপন আজমলৰ
গোৱালপাৰা জিলাৰ জলেশ্বৰত উপস্থিত হ’ল সাংসদ বদৰুদ্দিন আজমল । PMGSY আঁচনিৰ অধীনত জলেশ্বৰত সাত টাকৈ পথৰ শুভ উদ্বোধনী কৰে সাংসদ গৰাকীয়ে ।
শুই থাকোতেই হাতীৰ গচকত প্ৰাণ গ’ল এজনৰ
গোলাঘাট জিলাৰ বিভিন্ন প্ৰান্তত ধাৰাবাহিকভাৱে অব্যাহত আছে বনৰীয়া হাতীৰ উপদ্ৰৱ ৷ বনৰীয়া হাতীয়ে নিদ্ৰা হৰণ কৰিছে গোলাঘাট জিলাৰ মৰঙী, নাহৰকটীয়া আদি বিভিন্ন অঞ্চলৰ লোকৰ ৷
ক'ভিডত আক্ৰান্ত মন্ত্ৰী অতুল বৰাক জি এম চি এইচত ভৰ্তি
ক'ভিডত আক্ৰান্ত কৃষি মন্ত্ৰী অতুল বৰা (Agriculture Minister Atul Bora) ৷ বৰ্তমান গুৱাহাটী চিকিৎসা মহাবিদ্যালয় (GMCH)ৰ ক'ভিড হাস্পতালত ভৰ্তি কৰোৱা হৈছে মন্ত্ৰীগৰাকীক ।
চিকিৎসাৰ অভাৱত ক’ভিড ৰোগী মৃত্যু : পিয়াহৰ পানীয়ো নাপাই ক’ভিড ৰোগীয়ে
শিৱসাগৰ অসামৰিক চিকিৎসালয়ত চঞ্চল্যকৰ ঘটনা । চিকিৎসা নোপোৱাৰ বাবে ক’ভিড ৰোগীৰ মৃত্যু ঘটাৰ অভিযোগ ৷ ব্যক্তিজনৰ নাম দিলীপ গগৈ ৷
লক্ষাধিক টকাসহ গ্ৰেপ্তাৰ বনকৰা মহিলা
ডিব্ৰুগড়ত এগৰাকী বনকৰা মহিলাৰ ঘৰত ওলাইছে বাণ্ডিলে বাণ্ডিলে টকা । এক লাখ, দুই লাখ নহয় প্ৰায় পোন্ধৰ লক্ষাধিক টকা । কিন্তু ক’ৰ পৰা মহিলাগৰাকীয়ে পালে এই টকা ৷
কাকীত জানমণিৰ পাচত নিখোঁজ গোলাপী : ঘটনাৰ আঁৰত জড়িত আছে নেকি কোনো চক্ৰ ?
হোজাই জিলাৰ কাকীৰ দুটা সন্তানৰ মাতৃ জানমণি বৰা নিখোঁজ হোৱাৰ বাতৰি হয়তো আপুনি পাহৰা নাই ৷ এই ঘটনাৰ মাত্ৰ 15-20 দিনৰ পাচতে একেটা অঞ্চলৰ পৰা নিখোঁজ হৈছে গোলাপী নামৰ আন এগৰাকী বিবাহিতা মহিলা ৷
