গুৱাহাটী, ১০ অক্টোবৰঃ পুনৰ অগপলৈ উভতি আহিবলৈ সাজু হৈছে কংগ্ৰেছলৈ ঢাপলি মেলা 3 জনকৈ নেতা ৷ ১৪ অক্টোবৰত অভয়াপুৰীত অনুষ্ঠিত হ'বলগীয়া অগপৰ প্ৰতিষ্ঠা দিৱসতে পুনৰ দলটোত যোগদানৰ সম্ভাৱনা ডঃ জয়নাথ শৰ্মা, দুৰ্গাদাস বড়ো আৰু অপূৰ্ব কুমাৰ ভট্টাচাৰ্যৰ ৷ বৃহস্পতিবাৰে অগপৰ মুখপাত্ৰ মনোজ শইকীয়াই প্ৰকাশ কৰে এই কথা ৷
ইতিমধ্যে দলটোৰ সভাপতি অতুল বৰাৰ সৈতেও এই 3 নেতাই অহৰহ যোগাযোগ অব্যাহত ৰাখিছে । ডঃ জয়নাথ শৰ্মা আৰু দুৰ্গাদাস বড়ো অগপৰ প্ৰতিষ্ঠাকালৰে নেতা । আনকি অগপৰ শাসনকালত দুয়োগৰাকী মন্ত্ৰীৰ আসনতো অধিষ্ঠিত আছিল । কিন্তু যোৱা সময়চোৱাত অগপৰ দিন বেয়ালৈ অহাত দুয়োৱে যোগদান কৰিছিল কংগ্ৰেছত । একেদৰে অসম জাতীয়তাবাদী যুৱ ছাত্ৰ পৰিষদৰ পৰা অব্যাহতি লৈয়েই অপূৰ্ব কুমাৰ ভট্টাচাৰ্যই যোগ দিছিল অগপত । তেওঁ অগপৰ মুখপাত্ৰৰ দায়িত্বতো আছিল । কিন্তু তেওঁ অগপৰ বিপদকালত দল এৰি শৰণাপন্ন হৈছিল কংগ্ৰেছৰ ।
