গুৱাহাটী, 1 ডিচেম্বৰঃ শনিবাৰে মহানগৰীৰ জালুকবাৰীত কেন্দ্ৰীয় নাগৰিক সমিতিৰ স্বচ্ছ ভাৰত অভিযান কাৰ্যসূচীৰ শুভাৰম্ভণী কৰা হয় । স্বচ্ছতাৰ ক্ষেত্ৰত দেশবাসীক প্ৰধানমন্ত্ৰী নৰেন্দ্ৰ মোডীয়ে জনোৱা আহ্বানৰ প্ৰতি লক্ষ্য ৰাখি নাগৰিক সমিতিয়ে গ্ৰহণ কৰে এই পদক্ষেপ । মহানগৰ আৰক্ষী আৰু পৌৰ নিগমৰ সহযোগত উত্তৰ-পূবৰ দুৱাৰমুখ স্বৰূপ জালুকবাৰীত প্ৰতি তিনিমাহৰ অন্তত চাফাই অভিযান আৰু প্ৰায় ১০০ জোপা মহানিমৰ লগতে কৃষ্ণচূড়া ৰোপণ কৰাৰ পদক্ষেপ হাতত লৈছে জালুকবাৰী কেন্দ্ৰীয় নাগৰিক সমিতিয়ে ।
শনিবাৰে ইতিমধ্যেই কেইবাজোপা গছপুলি ৰোপণ কৰাৰ উপৰিও জালুকবাৰীস্থিত ভূপেন হাজৰিকা সমাধিক্ষেত্ৰৰ চৌহদত চাফাই অভিযান চলাই এই দীৰ্ঘম্যাদী কাৰ্যসূচীৰ শুভাৰম্ভণী কৰে । তাৰোপৰি, জালুকবাৰীৰ বিভিন্ন স্থানত কেইবাটাও ডাষ্টবিনৰ ব্যৱস্থা কৰিছে নাগৰিক সমিতিয়ে । য'তে ত'তে আৱৰ্জনা নেপেলাই ৰাইজক ডাষ্টবিনসমূহ ব্যৱহাৰ কৰিবলৈ আহ্বান জনাই নাগৰিক সমিতিয়ে ।
আৰু পঢ়ক : কেব সন্দৰ্ভত উত্তৰ পূবৰ প্ৰতিনিধিৰ সৈতে অমিত শ্বাহৰ বৈঠক
