গুৱাহাটী, ৩০ মাৰ্চঃ "নৱ শৰণীয়াই যদি ২৫ কোটি টকাৰ হিচাপ দিব পাৰে, ২৫ কোটি টকাৰ উন্নয়ন দেখুৱাব পাৰে তেন্তে প্ৰতিদ্বন্দিতাৰ পৰা মই আতৰি আহিম"- এই মন্তব্য কোকৰাঝাৰ কংগ্ৰেছ দলৰ প্ৰাৰ্থী শব্দৰাম ৰাভাৰ । শনিবাৰে গুৱাহাটীত উপস্থিত হয় কংগ্ৰেছ দলৰ হৈ কোকৰাঝাৰৰ পৰা প্ৰাৰ্থীত্ব লাভ কৰা শব্দৰাম ৰাভা ।
প্ৰাৰ্থীত্ব লাভ কৰাৰ পিচতেইশব্দ ৰাভাইনিৰ্বাচনী প্ৰচাৰ চলোৱাৰ উদ্দেশ্যে গুৱাহাটীত উপস্থিত হৈ নৱ শৰণীয়াৰ বিৰুদ্ধে এনে মন্তব্য কৰে । নৱ শৰণীয়াই কোকৰাঝাৰৰ বাবে একো কাম কৰা নাই, কোকৰাঝাৰৰ সমস্যাৰ বাবে কোনো মাত মতা নাই বুলি মন্তব্য কৰি ২৫ কোটি টকাৰ হিচাপ বিচাৰে কংগ্ৰেছ প্ৰাৰ্থী শব্দৰাম ৰাভাই । লগতে এই বৰ্ষৰ নিৰ্বাচনত কংগ্ৰেছৰ বিজয় নিশ্চিত বুলি মন্তব্য কৰি কয় এনেদৰেই যদি জনসাধৰণে আমাক সমৰ্থন কৰি যায় তেন্তে জনসাধৰণৰ সকলো সমস্যা সমাধান কৰিম বুলি মন্তব্য কৰে ৰাভাই ।
ইপিনে, প্ৰাৰ্থীত্ব লাভৰ পাচত প্ৰাৰ্থীগৰাকী প্ৰথমবাৰৰ বাবে নিৰ্বাচনী প্ৰচাৰৰ বাবে গুৱাহাটীত উপস্থিত হয় । প্ৰাৰ্থীগৰাকী বৰঝাৰ বিমানবন্দৰত উপস্থিত হোৱাৰ লগে লগে কংগ্ৰেছৰ শতাধিক সমৰ্থকে ৰাভাক উষ্ম আদৰণিৰে আদৰি লৈ যায় ।
