গুৱাহাটী, 2 নৱেম্বৰ: কেন্দ্ৰীয় চৰকাৰৰ ডিজিটেল ইণ্ডিয়াৰ আচঁনিৰ অংশস্বৰূপে উত্তৰ-পূৱ সীমান্ত ৰেলৱে'ই গ্ৰহণ কৰিছে এক নতুন পদক্ষেপ ৷ শনিবাৰে ৰেলযাত্ৰীসকলৰ সুবিধাৰ্থে 'ইউ টি এছ' নামৰ এক নতুন অনলাইন টিকট ক্ৰয় এপ মুকলি কৰিলে উত্তৰ-পূৱ সীমান্ত ৰেলৱেই ৷ এই 'ইউ টি এছ' এপৰ জৰিয়তে কোনো অতিৰিক্ত ধন নভৰাকৈ ৰে'ল ষ্টেচনৰ ৫ কিঃমিঃ ব্যসাৰ্দ্ধৰ ভিতৰত যাত্ৰীয়ে বুক কৰিব পাৰিব ৰেলৱে টিকট ৷
প্ৰথম পৰ্যায়ত এই এপটো চুটি যাত্ৰীবাহী ৰে'লসমূহৰ বাবে মুকলি কৰা হৈছে ৷ ইফালে এই "ইউ টি এছ" এপত মাহেকীয়া হিচাপত টিকট বুক কৰাৰো সুবিধা দিয়া হৈছে যাৰ ফলত নিয়মীয়া ৰেলযাত্ৰীসকল বিশেষভাৱে লাভান্বিত হব ৷ যাত্ৰীসকলক "ইউ টি এছ" এপ ডাউনল'ড কৰি ইয়াৰ সুবিধাসমূহ গ্ৰহণ কৰিবলৈ আহ্বান জনাইছে উত্তৰ-পূৱ সীমান্ত ৰেলৱেৰ জনসম্পৰ্কৰক্ষী বিষয়া নৃপেন ভট্টাচাৰ্যই ।
এপ'টোৰ জৰিয়তে ৰে'ল ষ্টেচনৰ ৫ কিঃমিঃ ব্যসাৰ্দ্ধৰ ভিতৰতহে যাত্ৰীয়ে বুকিং কৰিব পাৰিব টিকট
