অসমলৈ গৌৰৱ আনিলে গুৱাহাটীৰ ঈশিতা কাশ্যপে

ঈশিতা কাশ্যপে বাংলাদেশত অনুষ্ঠিত হোৱা 21 অনুৰ্দ্ধৰ জুনিয়ৰ চাউথ এছিয়ান কাৰাটে চেম্পিয়নশ্বিপত ৰূপৰ পদক লাভ কৰিবলৈ সক্ষম হৈছে ৷

গুৱাহাটী , 13 নৱেম্বৰ : জুনিয়ৰ চাউথ এছিয়ান কাৰাটে চেম্পিয়নশ্বিপত পুনৰবাৰ দেশৰ নাম উজলালে অসম সন্তান ঈশিতা কাশ্যপে ৷ বাংলাদেশত অনুষ্ঠিত হোৱা 21 অনুৰ্দ্ধৰ চাউথ এছিয়ান কাৰাটে প্ৰতিযোগীতাত ঈশিতা কাশ্যপে ৰূপৰ পদক লাভ কৰিবলৈ সক্ষম হয় ৷ বেলতলাৰ নিবাসী নীল তালুকদাৰৰ কন্যা ঈশিতা কাশ্যপ ৷ প্ৰতিযোগিতা খনত অসমৰ একমাত্ৰ প্ৰতিযোগী হিচাপে অংশগ্ৰহণ কৰি ৰূপৰ পদক লাভ কৰে কিশোৰীগৰাকীয়ে ৷ ঈশিতা কাশ্যপ বাংলাদেশৰ পৰা আহি বৰঝাৰ বিমানবন্দৰত উপস্থিত হোৱাৰ লগে লগে কাৰাটে সংস্থাৰ লগতে স্থানীয় ৰাইজেও উষ্ম আদৰণি জনায় ৷

আৰু পঢ়ক : নিউজিলেণ্ডৰ হাতত পৰাস্ত ইংলেণ্ড