গুৱাহাটী, ১৮ জুলাইঃ ৰাজধানী চহৰ গুৱাহাটীকে ধৰি সমগ্ৰ অসমতে যি ভয়ংকৰ হাৰত ক'ভিড সংক্ৰমণ আৰম্ভ হৈছে তালৈ উদ্বিগ্ন হৈ পৰিছে ৰাজ্য চৰকাৰ । প্ৰতিখন জিলাতে নিতৌ হোৰাহোৰে বৃদ্ধি পাব ধৰিছে ক'ভিড ৰোগীৰ সংখ্যা ।
এনে পৰিস্থিতিত ৰাজ্য চৰকাৰে শনিবাৰে গ্ৰহণ কৰিছে এক গুৰুত্বপূৰ্ণ সিদ্ধান্ত । ৰাজ্যখনত বুধবাৰ অৰ্থাৎ 22 জুলাইৰ পৰা বন্ধ থাকিব সকলো আন্তঃজিলা যাতায়ত সেৱা । কোনো এখন জিলাৰ পৰা আন এখন জিলালৈ প্ৰৱেশ কৰিব নোৱাৰিব কোনো লোক । সংক্ৰমণ হ্ৰাস কৰাৰ বাবেই লোৱা হৈছে এই বৃহৎ সিদ্ধান্ত ।
মুখ্য সচিব কুমাৰ সঞ্জয় কৃষ্ণই শনিবাৰে ঘোষণা কৰিছে এই কথা । ইতিমধ্যে এই সন্দৰ্ভত মুখ্য সচিবৰ দ্বাৰা স্বাক্ষৰিত প্ৰকাশ কৰা নিৰ্দেশটোত কোৱা হৈছে যে, পৰৱৰ্তী নিৰ্দেশনা জাৰি নকৰা পৰ্যন্ত অসমত সম্পূৰ্ণ ৰূপে বন্ধ থাকিব আন্তঃজিলা যাতায়ত সেৱা ।
অৱশ্যে জিলা প্ৰশাসনৰ অনুমতি সাপেক্ষে ব্যক্তিগত চিকিৎসা আৰু অন্তিম সৎকাৰৰ যাত্ৰাৰ বাবে যাতায়ত কৰিব পৰিব ৷ আনহাতে অত্যাৱশ্যকীয় সামগ্রী কঢ়িয়োৱা বাহনৰ ক্ষেত্ৰতো থাকিব ৰেহাই ৷
লগতে চাওক-অৰুণাচল প্ৰদেশৰ বিধায়ক ক’লনিক ক’ভিড চিকিৎসালৈ ৰূপান্তৰ কৰাক লৈ বিৰোধিতা
