গুৱাহাটী, 29 মাৰ্চ : বাপতি সাহন ৰঙালী বিহুটি আদৰিবলৈ প্ৰায় সাজু হৈ উঠিছে ৰাজ্যবাসী (Bihu preparation in Assam) ৷ ৰাজ্যৰ অন্যান্য প্ৰান্তৰ বিহু সন্মিলনীৰ সামন্তৰালকৈ সাজু হৈ উঠিছে ঐতিহাসিক গুৱাহাটী বিহু সন্মিলনী (Historic Guwahati bihu sanimilani) ৷ প্ৰত্যেকবছৰৰ দৰে এইবেলিও লতাশিল খেলপথাৰত ঐতিহাসিক গুৱাহাটী বিহু সন্মিলনীখন চাৰিদিনীয়া কাৰ্যসূচীৰে 14 এপ্ৰিলৰ পৰা 17 এপ্ৰিললৈ অনুষ্ঠিত হ’ব (Rongali Bihu at the Latasil Playground from April 14) ৷
মঙলবাৰে গুৱাহাটী প্ৰেছ ক্লাৱত আয়োজিত এক সংবাদমেলত বিহু সন্মিলনীৰ সাধাৰণ সম্পাদক নিলোপম দাসে জনোৱা মতে, 71 সংখ্যক গুৱাহাটী বিহু সন্মিলনী, এই বৰ্ষত প্ৰায় 20-25 লাখ টকাৰ বাজেটেৰে আয়োজন কৰা হৈছে ৷ লগতে বিহু সন্মিলনীখনৰ প্ৰথম দিনা অৰ্থাৎ 14 এপ্ৰিলৰ দিনা দিহানাম (Diha Naaam competition for women on April 14) , 15 এপ্ৰিলত জেং বিহু প্ৰতিযোগীতা অনুষ্ঠিত হ’ব (Jeng Bihu competition on April 15) বুলিও উল্লেখ কৰে সাধাৰণ সম্পাদকগৰাকীয়ে ।
ইয়াৰোপৰি তেওঁ কয় যে, চাৰিদিনীয়া বৰ্ণিল সাংস্কৃতিক কাৰ্যসূচীত জনপ্ৰিয় গীতিকাৰ সুৰকাৰ তথা গায়ক দ্বীপেন বৰুৱা, কন্ঠশিল্পী প্ৰিয়ংকা ভৰালী, বাবু, দীপ দৰ্শনকে ধৰি ভালেসংখ্য শিল্পীয়ে অংশগ্ৰহণ কৰিব ৷ আনহাতে, প্ৰতিবছৰৰ দৰে এইবাৰো 16 এপ্ৰিলত বিহু কুঁৱৰী আৰু বিহু ৰাণী প্ৰতিযোগিতা অনুষ্ঠিত কৰা হ’ব (Bihu Rani and Bihu Konwori competition on April 16) ।
লগতে, 17 এপ্ৰিলত বিহু সম্ৰাজ্ঞী প্ৰতিযোগীতা অনুষ্ঠিত কৰা হ’ব বুলিও জনায় সাধাৰণ সম্পাদকগৰাকীয়ে । এইবেলি বিহু কুঁৱৰী, বিহু ৰাণী আৰু বিহু সম্রাজ্ঞীক নগদ 31,000 টকা, 51,000 টকা আৰু 1,00,00 টকাৰ লগতে বিভিন্ন উপহাৰৰ টোপোলাৰে পুৰস্কৃত কৰা হ’ব বুলিও জনায় বিহু সন্মিলনীখনৰ সাধাৰণ সম্পাদক গৰাকীয়ে ৷
লগতে পঢ়ক : প্ৰায় ২০-২৫ লাখ টকাৰ বাজেটেৰে সাজু ঐতিহাসিক গুৱাহাটী বিহু সন্মিলনী
