গুৱাহাটী, 28 ছেপ্টেম্বৰ : বিশ্বৰ চৌদিশে গোলকীয় উষ্ণতা বৃদ্ধি হোৱাৰ ফলত পৃথিৱীৰ অস্তিত্বৰ ক্ষেত্ৰত ভাবুকি সৃষ্টি হৈছে ৷ এনে সময়তে মহানগৰী গুৱাহাটীত এক যুৱক - যুৱতীৰ দলে 'ফিউচাৰ গুৱাহাটী' নামৰ অনুষ্ঠানৰ জৰিয়তে পৰিৱেশ সংৰক্ষণৰ ক্ষেত্ৰত সজাগতা তথা জলবায়ুৰ সংকটৰ বিষয়ে সকলোকে সজাগ কৰি তোলাৰ প্ৰচেষ্টা চলাইছে ৷ মহানগৰীৰ শ্ৰদ্ধাঞ্জলী কাননত আয়োজন কৰা এই অনুষ্ঠানত সংগীত আৰু নাটকৰ আয়োজন কৰে দলটোৱে ৷
ইয়াৰোপৰি, প্ৰদূষণ আৰু ইয়াৰ কাৰক সম্পৰ্কে হোৱা আলোচনাত শীৰ্ষস্থান দখল কৰা কাৰক হিচাপে বিবেচিত হোৱা পলিথিন আৰু প্লাষ্টিক বৰ্জনৰ বাবে এখন নাটক প্ৰদৰ্শন কৰে দলটোৱে । গছ - গছনি নাথাকিলে পৃথিৱীখন কোনফালে গতি কৰিব তাকো নাটকৰ জৰিয়তে সুন্দৰকৈ দৰ্শকৰ আগত উপস্থাপন কৰা হয় ৷ 30 অক্টোবৰৰ বোমা বিস্ফোৰণত নিহত, পুলৱামা কাণ্ডত শ্বহীদ জোৱানসকলৰ স্মৃতিত আৰু অসমৰ সাম্প্ৰতিক পৰিস্থিতৰ বিষয়ে কেইবাটাও স্ব - ৰচিত ৰেপ সংগীত দৰ্শকৰ আগত প্ৰদৰ্শন কৰে অৰুণাভ নামৰ এজন যুৱকে ।
ব্ৰেণ্ড দ্যা বটল, ৰকেটকে ধৰি কেইবাটাও দেশী - বিদেশী বেণ্ডে এই অনুষ্ঠানত সংগীত প্ৰদৰ্শন কৰে ।
