সদৌ অসম নিৰ্মাণ শ্ৰমিক সন্থাৰ প্ৰতিবাদী সমদল

শ্ৰমিকসকলৰ পঞ্জীয়নৰ লগতে বিভিন্ন সমস্যা সমাধানৰ দাবীৰে প্ৰতিবাদ

গুৱাহাটী, 26 মাৰ্চঃবিভিন্ন দাবীৰে গুৱাহাটী ক্লাৱৰ পৰা প্ৰতিবাদী সমদল উলিয়াই প্ৰতিবাদ সাব্যস্ত শতাধিক অসম নিৰ্মাণ শ্ৰমিক সন্থাৰ কৰ্মীৰ ৷ সদৌঅসম নিৰ্মাণ শ্ৰমিক সন্থাৰ কৰ্মীসকলে মঙলবাৰে গুৱাহাটী ক্লাৱৰ পৰা এক প্ৰতিবাদী সমদল উলিয়াই উলুবাৰীৰ শ্ৰম বিভাগৰ কার্যালয়ত উপস্থিত হৈ সাব্যস্ত কৰে উত্তাল প্ৰতিবাদ ৷

ৰাজ্যৰ নিৰ্মাণ শ্ৰমিকসকলৰ পঞ্জীয়নৰ ক্ষেত্ৰত গুৰুত্ব প্ৰদান নকৰাৰ লগতে বিভিন্ন ক্ষেত্ৰত এই কর্মীসকল বঞ্চিত হৈ অহাৰ অভিযোগ তুলি অতি শীঘ্ৰে তেওঁলোকৰ সমস্যা সমূহ সমাধান কৰাৰ দাবী জনাই প্ৰতিবাদ সাব্যস্ত কৰে শ্ৰমিকসকলে ৷ ইপিনে ৰাজ্য আৰু কেন্দ্ৰ চৰকাৰক তীব্ৰ সমালোচনা কৰি দুয়োখন চৰকাৰে শ্ৰমিকসকলৰ বাবে থকা ধন পুঁজিপতি গোষ্ঠীৰ বাবে ব্যৱহাৰ কৰি আহিছে বুলি অভিযোগ তোলে প্ৰতিবাদকাৰীসকলে ৷