ৰঙালী বিহুত অভিনেত্ৰী প্ৰস্তুতি পৰাশৰ,অমৃতা গগৈৰ পৰিকল্পনা কি ?

এশ খন আৰ্থিকভাৱে জুৰুলা ঘৰত সামগ্ৰী যোগান ধৰিব জনপ্ৰিয় অভিনেত্ৰী প্ৰস্তুতি পৰাশৰে ৷

গুৱাহাটী,15এপ্ৰিল: হেঁপাহৰ ৰঙালী এতিয়া পদূলিত ৷ কিন্তু কৰ'ণাৰ ত্ৰাসত এতিয়া ৰাজ্যজুৰি ম্লান বিহুৰ উছাহ ৷ তাৰ মাজতে সমগ্ৰ অসমবাসী ৰাইজক ৰঙালী বিহুৰ শুভেচ্ছা জ্ঞাপন কৰিলে জনপ্ৰিয় অভিনেত্ৰী প্ৰস্তুতি পৰাশৰে ৷ অসমবাসী ৰাইজক শুভেচ্ছা জ্ঞাপন কৰি বিহু উপলক্ষে গ্ৰহণ কৰা ব্যতিক্ৰমী পদক্ষেপৰ কথা জনালে প্ৰস্তুতি পৰাশৰে ৷ ৰঙালী বিহু উপলক্ষে প্ৰায় এশখন আৰ্থিক ভাৱে জুৰুলা ঘৰত সামগ্ৰী যোগান ধৰিব জনপ্ৰিয় অভিনেত্ৰী গৰাকীয়ে ৷ দুখৰ মাজতো দৰিদ্ৰ আৰু আৰ্তজনৰ মুখত যাতে এটুকুৰা হাঁহি বিৰিঙাব পাৰে তাৰবাবেই এই প্ৰচেষ্টা গ্ৰহণ কৰা বুলি মন্তব্য কৰে অভিনেত্ৰী গৰাকীয়ে ৷

আনহাতে আন এগৰাকী জনপ্ৰিয় অভিনেত্ৰী অমৃতা গগৈয়েও অসমবাসী ৰাইজক ৰঙালী বিহুৰ শুভেচ্ছা জ্ঞাপন কৰি এজনে আনজনৰ হাতে হাত ধৰি আৰ্তজনৰ কাষত থিয় হ'বলৈ অনুৰোধ জনায় ৷ ইয়াৰ উপৰি অভিনেত্ৰী গৰাকীয়ে নিজেও দৰিদ্ৰজনক অত্যাৱশ্যকীয় সামগ্ৰী যোগান ধৰি এইবছৰ ৰঙালী বিহু উদযাপন কৰা বুলি জানিবলৈ দিয়ে ৷

লগতে চাওকঃ ধুবুৰীত পুনৰ কোভিড-১৯ত আক্ৰান্ত এগৰাকী মহিলা