গুৱাহাটী, 30 জানুৱাৰী : অসমৰ চৰকাৰে শেহতীয়াকৈ সীমা সমস্যা(Border disputes of Assam) সমাধানৰ বাবে গ্ৰহণ কৰা পদক্ষেপত সন্তুষ্ট নহয় সদৌ অসম জাতীয়তাবাদী যুৱ পৰিষদ(Asom jatiyatabadi yuba parishad on border issue) । চৰকাৰে নিৰ্দিষ্টকৈ সীমা বিবাদ সমাধান কৰিব পৰা নাই বুলি দাবী কৰে পৰিষদে ৷ গুৱাহাটী প্ৰেছ ক্লাৱত শনিবাৰে এখন সংবাদমেল আয়োজন কৰি সীমা সমস্যা সমাধানৰ বাবে চৰকাৰে গ্ৰহণ কৰা পদক্ষেপক কঠোৰ ভাষাৰে সমালোচনা কৰে সদৰি কৰে এই তথ্য ৷
সদৌ অসম জাতীয়তাবাদী যুৱ পৰিষদৰ সভাপতি ৰমেন চৌধুৰীয়ে অসম চৰকাৰে সীমান্তৰ জনতা সৈতে আলোচনা নকৰাকৈ সিদ্ধান্ত লৈছে বুলি অভিযোগ কৰে ৷ তেওঁ চৰকাৰৰ এই সিদ্ধান্তৰ ফলত সীমান্ত গাঁও কৰ্তন হ’ব বুলি আশংকা প্ৰকাশ কৰে । চৌধুৰীয়ে চৰকাৰক চুবুৰীয়া ৰাজ্যসমূহে দখল কৰা অসমৰ ভূমিসমূহ মোকলোৱাৰ বাবে আহ্বান জনায় ৷
আনহাতে ৰাজ্য চৰকাৰে ক’ভিডৰ বাবে জাৰি কৰা SOP প্ৰসংগ উত্থাপন কৰি পৰিষদৰ সভাপতিগৰাকীয়ে কয় যে, SOP নামত জনতাক আৰ্থিকভাৱে দুৰ্বল কৰা হৈছে । অনাহকত শাস্তি সন্মুখীন হৈছে অসমবাসী । অসম আৰক্ষীক নিৰ্দোষীক শাস্তি নিদিবলৈ আহ্বান জনাই চৌধুৰীয়ে কয় যে, নিৰীহ ওপৰত এনকাউণ্টাৰ নিন্দনীয় ।
লগতে পঢ়ক : Assam Meghalaya border dispute : পুনৰ বৈঠকত মিলিত হ'ল দুই ৰাজ্যৰ মুখ্যমন্ত্রী
