গুৱাহাটী, 28 ছেপ্টেম্বৰ: স্বাধীন অসমৰ দাবীত শুকুৰবাৰে গুৱাহাটীৰ চচলত চাৰিঘন্টীয়া অৱস্থান ধৰ্মঘট সদৌ অসম আত্মসমৰ্পণকাৰী আলফা সমিতিৰ ৷ মূলতঃ অসমক জনজাতীয় স্বায়ত্ব শাসিত ৰাজ্য হিচাপে স্বীকৃতি দিয়া, অসমত ইনাৰ লাইন পাৰ্মিট প্ৰৱৰ্তন কৰা, আত্মসমৰ্পণকাৰী আলফা সদস্য সকলৰ সংস্থাপনৰ লগতে আদালতত চলি গোচৰ সমূহ প্ৰত্যাহাৰ কৰা আৰু ৰাজ্যৰ পৰা বিদেশীক বহিষ্কাৰ কৰাৰ দাবীত আলফা সমিতিয়ে সাব্যস্ত কৰে এই অৱস্থান ধৰ্মঘট কাৰ্যসূচী ।
ইয়াৰোপৰিও, প্ৰাক্তন আলফা নেতা ৰাজকুমাৰ দুৱৰাৰ অভিযোগ, অবৈধ বাংলাদেশীক নাগৰিকত্ব দিয়াৰ প্ৰক্ৰিয়া চলাই আছে মুখ্যমন্ত্ৰী সৰ্বানন্দ সোনোৱাল নেতৃত্বাধীন বি জে পি চৰকাৰে ৷ এনেকৈ চৰকাৰ খনে সমগ্ৰ অসমীয়া জাতিকে চৰম বিশ্বাসঘাটকতা কৰিছে বুলিও সভাপতি ই অভিযোগ উত্থাপন কৰে দুৱৰাই । লগতে, অসমৰ জলন্ত সমস্যা আৰু আত্মসমৰ্পণকাৰী আলফাৰ সমস্যা সমূহ সমাধান নকৰা পৰ্যন্ত স্বাধীন অসমৰ দাবীত আন্দোলন অব্যাহত থাকিব বুলি স্পষ্ট কৰি দিয়ে আত্মসমৰ্পনকাৰী আলফা নেতাগৰাকীয়ে ।
