গুৱাহাটী,8ছেপ্টেম্বৰ: দেওবাৰে ৰাজ্যজুৰি পালন কৰা হয় ভাৰতৰত্ন ড0 ভূপেন হাজৰিকাৰ 93 সংখ্যক জন্মদিন ৷ সদৌ অসম ছাত্ৰ সন্থাৰ উদ্যোগতো গুৱাহাটী মহানগৰীৰ দীঘলীপুখুৰী পাৰত 'উদ্দীপনা' নামেৰে এক শ্ৰদ্ধাঞ্জলি অনুষ্ঠানৰ আয়োজন কৰা হয়। এই অনুষ্ঠানত উপস্থিত থাকে জুবিন গাৰ্গ,গৰিমা গাৰ্গ,আছুৰ মুখ্য উপদেষ্টা সমুজ্জল কুমাৰ ভট্টাচাৰ্য, সভাপতি দীপাংক নাথ আৰু সাধাৰণ সম্পাদক লোৰিন জ্যোতি গগৈ । সমুজ্জল ভট্টাচাৰ্যই নতুন প্ৰজন্মৰ মাজত ভূপেন হাজৰিকাৰ সৃষ্টিৰাজি বিয়পাই দিয়াৰ লগতে অসমৰ প্ৰতিখন জিলাৰ নিৰ্বাচিত কলেজ,বিশ্ববিদ্যালয়ৰ শ্ৰেষ্ঠ গায়ক-গায়িকা সকলক ভূপেন হাজৰিকা কালজয়ী গীত-মাতৰ এক বৰেণ্য অনুষ্ঠান আয়োজন কৰাৰ কথা অৱগত কৰে। ইয়াৰ উপৰিও ভূপেন হাজৰিকাৰ নামত এখন গৱেষণাগাৰ নিৰ্মাণৰ কথাও অৱগত কৰে সমুজ্জল ভট্টাচাৰ্যই ৷
আনহাতে, এই অনুষ্ঠানত উপস্থিত হোৱা জুবিন গাৰ্গে কাঞ্চনজঙ্ঘাৰ ছৱিৰ কথা কোৱাৰ লগতে ভূপেন হাজৰিকাক শ্ৰদ্ধাঞ্জলি জ্ঞাপন কৰে ৷
