মৰাণ, 27 এপ্ৰিল : ৰাজ্য়ৰ লগতে দেশত ক্ৰমাৎ ভয়াৱহ ৰূপ ধাৰণ কৰিছে কৰ'ণা মহামাৰীয়ে । ডিব্ৰুগড় জিলাৰ মৰাণ ৰাজহ চক্ৰৰ অধীনত থকা গাঁওসমূহত 138 জন লোক ক'ভিড-19ত আক্ৰান্ত হৈছে । ইয়াৰে দুগৰাকী ক'ভিড-19 ত আক্ৰান্ত হৈ মৃত্যুমুখত পৰিছে ৷
মৰাণৰ চিকিৎসালয় সমূহত বাঢ়ি অহা ক'ভিড-19ত আক্ৰান্তৰ সংখ্যাই চিন্তিত কৰি তুলিছে প্ৰশাসনক । কৰ'ণাৰ শেহতীয়া ভয়াৱহ পৰিস্থিতিৰ সন্দৰ্ভত মৰাণৰ ৰাজহ চক্ৰ বিষয়া লুকুমনি বৰাই সংবাদমেল আয়োজন কৰি মৰাণৰ ৰাইজক সজাগ হ'বলৈ আহ্বান জনায় ।
মৰাণৰ ৰাইজক প্ৰয়োজনতহে মাস্ক পিন্ধি বাহিৰত ওলাবলৈ আহ্বান জনালে চক্ৰ বিষয়া গৰাকীয়ে ৷ কৰ’ণাৰ এই ভয়াৱহতাৰ সময়ত মূল্যবৃদ্ধিৰ ক্ষেত্ৰত প্ৰশাসনে অধিক কঠোৰ হোৱা বুলি মন্তব্য কৰে ৷ মৰাণত প্ৰশাসনে নিৰ্ধাৰণ কৰি দিয়া মূল্যতকৈ অধিক মূল্য বিচৰা বুলি ব্যৱসায়ীৰ বিৰুদ্ধে অভিযোগ দিলে মৰাণৰ প্ৰশাসনে বিহিত ব্যৱস্থা ল’ব বুলি মন্তব্য কৰে ৰাজহ চক্ৰ বিষয়া গৰাকীয়ে ৷
লগতে পঢ়ক : ধুমুহাই তচনচ কৰিলে নাৰায়ণপুৰৰ বহু লোকৰ বাসগৃহ
