ডিব্ৰুগড়, 18 মে’: ডিব্ৰুগড় জিলাৰ নাহৰকটিয়াতো প্ৰতি দিনে বৃদ্ধি পাইছে ক'ভিড ৰোগীৰ সংখ্যা । ইতিমধ্যে মৃত্যু হৈছে বহু কেইগৰাকী ৰোগীৰ । ক'ভিডৰ ভয়ানক পৰিস্থিতিৰ পতি লক্ষ্য ৰাখি বিধায়ক হিচাপে নিৰ্বাচিত হোৱাৰ পাছতে প্ৰথমবাৰলৈ নাহৰকটীয়া অসামৰিক চিকিৎসালয়ত উপস্থিত হৈ চিকিৎসালয়খন পৰিদৰ্শন কৰিলে স্থানীয় বিধায়ক তৰাংগ গগৈয়ে ।
বিধায়ক গৰাকীয়ে নাহৰকটীয়া অসামৰিক চিকিৎসালয়ত উপস্থিত হৈ চিকিৎসালয় খনত Assam Critical Care Projectৰ অধীনত প্ৰায় ১৫ কোটি টকা ব্যয় সাপেক্ষে নিৰ্মাণ হ'বলগীয়া ১৫টা ICU আৰু ৩০ খন বিছনাযুক্ত ক'ভিড চিকিৎসালয় ৩ মাহৰ ভিতৰত সম্পূৰ্ণ কৰাৰ কথা উল্লেখ কৰে । লগতে নাহৰকটীয়া সমষ্টিৰ বাবে নামৰূপত এটা ক’ভিড কেয়াৰ চেণ্টাৰ এসপ্তাহৰ ভিতৰত নিৰ্মাণ কৰিবলৈ জিলা প্ৰশাসন আৰু জিলাখনৰ স্বাস্থ্য বিভাগক দিলে নিৰ্দেশনা ।
মুঠৰ ওপৰত মুখ্যমন্ত্ৰী ড৹ হিমন্ত বিশ্ব শৰ্মাৰ দৰেই নতুন বিধায়ক সকলেও এতিয়া নিজৰ সমষ্টিয়ে সমষ্টিয়ে ক'ভিড পৰিস্থিতিক লৈ তৎপৰতাৰে কাম কৰা পৰিলক্ষিত হৈছে ।
লগতে পঢ়ক : ক’ভিড প্ৰট’কল ভংগ কৰিছে নামতিৰ তৈল অনুসন্ধানকাৰী শ্ৰমিকে
