মৰাণ, 26 অক্টোবৰঃ আজি বিজয়া দশমী ৷ কৰ'ণা আতংক আৰু প্ৰতিকুল বতৰৰ মাজতেই সামৰণি পৰিল শাৰদীয় দুৰ্গোৎসৱ । কিন্তু পূৰ্বৰ দৰে কৰিব নোৱাৰিব দেৱী বিসৰ্জন ৷ প্ৰশাসনৰ নিৰ্দেশ অনুসৰি কোভিড-১৯ প্ৰট'কল মানি সকলো পূজা উদযাপন সমিতিয়ে দেৱী বিৰ্সজন দিব লাগিব ৷
ইতিমধ্যে ৰাজ্যৰ বিভিন্ন ঠাইত আৰম্ভ হৈছে দেৱী বিসৰ্জন কাৰ্যসূচী ৷ সমান্তৰালকৈ কোভিড-১৯ প্ৰট'কল মানি বিজয়া দশমীৰ বাবে সাজু হৈছে ডিব্ৰুগড় জিলা প্ৰশাসন ৷ ৰাজ্য চৰকাৰৰ চাহ জনজাতি কল্যাণ বিভাগৰ (স্বতন্ত্ৰ) মন্ত্ৰী সঞ্জয় কিষাণেও আজি পুৱা ভাগতে ডিব্ৰুগড়ৰ দেৱী বিসৰ্জনস্থলী পৰিদৰ্শন কৰে আৰু জিলা প্ৰশাসনে কৰা প্ৰস্তুতিৰ কথা বুজ লয় ৷
মন্ত্ৰীজনৰ পৰিদৰ্শন কালত তেওঁৰ সৈতে অতিৰিক্ত উপায়ুক্ত ৰঞ্জিত কোঁৱৰ, অতিৰিক্ত উপায়ুক্ত দিপু কুমাৰ ডেকা, অতিৰিক্ত আৰক্ষী অধীক্ষক পদ্মনাভ বৰুৱা আৰু ডিব্ৰুগড় পূব ৰাজহ চক্ৰৰ চক্ৰ বিষয়া সুজাতা গগৈ উপস্থিত থাকে ৷
লগতে পঢ়ক- মৰাণত দেৱীৰ আশীষ ল'লে কেন্দ্ৰীয় মন্ত্ৰী ৰামেশ্বৰ তেলীয়ে
