মৰাণ,7 নেৱেম্বৰঃ ডিব্ৰুগড়ত জিলাৰ মৰাণ সমষ্টিৰ ধেমেচীৰ মৰাণ-নিতাই সংযোগী পথৰ আখৈফুটিয়াত থকা ডিমৌ নদীৰ গৰাখহনীয়াই লৈছে ভয়ংকৰ ৰূপ ৷ ইতিমধ্যে নৈখনৰ গৰাখহনীয়াই ভাবুকি কঢ়িয়াইছে অঞ্চলটোৰ ৰাইজৰ মাজত।
স্থানীয় ৰাইজে জনোৱা মতে, বাৰিষা যোৱাৰ লগে লগে ডিমৌ নৈ খনত চপৰা চপৰে খহি যায় নৈৰ গৰা । ইতিমধ্যে নৈখনৰ গৰাখহনিয়াত জাহ গৈছে পথটোৰ বহু অংশ ৷ ইফালে নৈখনৰ গৰখহনীয়া প্ৰতিৰোধ কৰিবলৈ বিভাগীয় কৰ্তৃপক্ষৰ লগতে স্থানীয় জন প্ৰতিনিধি গৰাকীক স্থানীয় ৰাইজে বহুবাৰো অনুৰোধ জনাই আহিছে যদিও এতিয়ালৈকে কোনো ব্যৱস্থা গ্ৰহণ নকৰা বুলি অভিযোগ কৰে স্থানীয় ৰাইজে ৷
অতি শীঘ্ৰে নৈখনৰ গৰা খহনীয়া প্ৰতিৰোধ কৰিবলৈ চৰকাৰ তথা বিভাগীয় কৰ্তৃপক্ষক আহ্বান জনাইছে স্থানীয় ৰাইজৰ লগতে বিভিন্ন দল সংগঠনে ৷ অন্যথা নৈখনৰ গৰাখহনীয়াত নিচিহ্ন হ'ব অঞ্চলটোৰ ৰাইজৰ মাজত থকা যাতায়াত ব্যৱস্থা ৷
লগতে পঢ়ক- নীলাপানী হ্ৰদত সন্ধানহীন হোৱা যুৱকৰ মৃতদেহ উদ্ধাৰ
