সাংবাদিক ৰাজীৱ শৰ্মাঃ বিলাসীপাৰাত উত্তাল প্ৰতিবাদ

ষড়যন্ত্ৰমূলক ভাৱে আৰক্ষীয়ে গ্ৰেপ্তাৰ কৰিছিল সাংবাদিক ৰাজীৱ শৰ্মাক ৷ ফলত পিতৃৰ অকাল মৃত্যুক সাৱতি ল'ব লগা হোৱাৰ ঘটনাৰ বিৰুদ্ধে বিলাসীপাৰাত উত্তাল প্ৰতিবাদ সাব্যস্ত কৰে বিভিন্ন দল সংগঠনৰে ৷ অতি শীঘ্ৰে দোষীক উচিত শাস্তি প্ৰদান কৰিবলৈ দাবী জনাইছে প্ৰতিবাদকাৰী সকলে ৷

পশ্চিম বিলাসীপাৰা,20 জুলাইঃ ধুবুৰীৰ সাংবাদিক ৰাজীৱ শৰ্মাক ষড়যন্ত্ৰ মূলক ভাৱে আৰক্ষীয়ে গ্ৰেপ্তাৰ কৰাৰ প্ৰতিবাদত সোমবাৰে অৱস্থান ধৰ্মঘট পালন কৰে ৷ বিলাসীপাৰা প্ৰেছ ক্লাবৰ প্ৰাংগণত ক'লা বেজ পৰিধান কৰি প্ৰেছ ক্লাৱৰ সদস্য সকলৰ লগতে আছুকে ধৰি বিভিন্ন দল সংগঠনৰ সদস্য সকলে অংশ গ্ৰহণ কৰে এই প্ৰতিবাদী কাৰ্যসূচীত ৷

উল্লেখ্য যে,সাংবাদিক ৰাজীৱ শৰ্মাৰ বিৰুদ্ধে ধুবুৰী জিলা বন বিষয়া বিশ্বজিৎ ৰায়ে দাখিল কৰা ভুৱা গোচৰৰ ভিত্তিত সাংবাদিক শৰ্মাক ধুবুৰী আৰক্ষীয়ে ১৩ জুলাইৰ মাজ নিশা গ্ৰেপ্তাৰ কৰিছিল ৷ এনে ঘটনাৰ মৰ্মবেদনাত হৃদযন্ত্ৰ বন্ধ হৈ সিদিনা সাংবাদিক গৰাকীৰ পিতৃ মৃত্যু মুখত পৰে ৷ এনে ঘটনাৰ প্ৰতিবাদত বন বিষয়া জনৰ লগতে ধুবুৰীৰ আৰক্ষী অধীক্ষক যুৱৰাজক চাকৰিৰ পৰা নিলম্বনৰ দাবী তুলি বিলাসীপাৰা প্ৰেছ ক্লাবত প্ৰাংগণত সোমবাৰে সাংবাদিক সকলে প্ৰতিবাদ কাৰ্যসূচী ৰূপায়ণ কৰে ৷ এই অৱস্থান ধৰ্মঘট কাৰ্যসূচীত বিলাসীপাৰা আছু,গৰিয়া মৰিয়া,কৃষক মুক্তি,অসম জাতীয়তাবাদী যুৱ ছাত্ৰ পৰিষদ,নাথ যোগী ছাত্ৰ সন্থা,আক্ৰাছুৰ আদি বিভিন্ন দল সংগঠনৰ নেতৃবৃন্দ উপস্থিত থাকে ৷ আৰু উক্ত ঘটনাক তীব্ৰ ভাষাৰে গৰিহণা দিয়াৰ লগতে উক্ত ঘটনাৰ লগত জড়িত দোষীৰ বিৰুদ্ধে কঠোৰ ব্যৱস্থা গ্ৰহণ কৰিবলৈ চৰকাৰক দাবী জনায় ৷

লগতে পঢ়ক- পূৱ বিলাসীপাৰাত ৰেচন কাৰ্ডৰ নামত ভংয়কৰ জালিয়াতি