ধুবুৰী, 3 অক্টোবৰ: সাধাৰণ ৰাইজক পণবন্দী কৰি দুৰ্গাপূজাৰ ব্যস্ততাৰ মাজতেই সদৌ অসম মটৰ পৰিবহন সন্থাই বৃহস্পতিবাৰে আহ্বান দিয়া 24 ঘন্টীয়া চকা বন্ধত ধুবুৰী জিলাত সৰ্বাত্মক প্ৰভাৱ পৰিছে ।
উল্লেখযোগ্য যে, যোৱা ২০১২ চনত ভাড়া বৃদ্ধিৰ পিছত আজিলৈ সাত বছৰে ভাড়া বৃদ্ধি পোৱা পোৱা নাই । পেট্ৰলজাত সামগ্ৰীৰ লগতে যান-বাহনত ব্যৱহৃত সকলো সামগ্ৰীৰ মূল্যবৃদ্ধি ঘটাৰ বাবে ব্যপক হাৰত লোকচানৰ সন্মুখীন হবলগীয়া হৈছে যান-বাহনৰ গৰাকীসকলে । ভাড়া বৃদ্ধিৰ দাবীত বাৰাম্বাৰ চৰকাৰৰ ওচৰত দাবী উত্থাপন কৰি আহিছে যদিও চৰকাৰে গুৰুত্ব দিয়া নাই ।
ইয়াৰ প্ৰতিবাদতেই দুৰ্গাপূজাৰ মাজতেই চব্বিশ ঘন্টীয়া চকাবন্ধ পালন কৰিছে মটৰ পৰিবহন সন্থাই । সদৌ অসম মটৰ পৰিবহন সন্থাই ভাড়া বৃদ্ধিৰ দাবীত বৃহস্পতিবাৰে পুৱা পাঁচ বজাৰ পৰা শুক্ৰবাৰৰ পুৱা পাঁচ বজালৈ আহ্বান জনাইছে এই বন্ধৰ ৷
চকাবন্ধই উকা কৰিলে ধুবুৰীৰ ৰাজপথ
