বিলাসীপাৰা,12 মে': অসমৰ সমাজ জীৱনৰ মহীৰূহ, বৰেণ্য সাহিত্যিক, সাংবাদিক, সমালোচক হোমেন বৰগোহাঞিৰ মহাপ্ৰয়াণ ৷ কথা শিল্পীগৰাকীৰ মহা প্ৰয়াণত গভীৰ শোক প্ৰকাশ বিলাসীপাৰা প্ৰেছ ক্লাবৰ | বৰগোহাঞিৰ বিদেহী আত্মাৰ চিৰশান্তি কামনা কৰি বিলাসীপাৰা প্ৰেছ ক্লাবত শ্ৰদ্ধাঞ্জলি অনুষ্ঠান অনুষ্ঠিত হয় ।
বুধবাৰে প্ৰেছ ক্লাব চৌহদত আয়োজিত অনুষ্ঠানত প্ৰয়াত সাহিত্যিক জনাৰ প্ৰতিচ্ছবিত মাল্যৰ্পণ, বন্তি প্ৰজ্বলন কৰে ক্লাবৰ সভাপতি মফিজুল হোছেন আহমেদে । সমাজসেৱক তথা কেইছি'ৰ কাৰ্যবাহী সদস্য সুধীৰ চন্দ্ৰ ৰায়ে পুষ্পাঞ্জলী নিবেদন কৰে বৰগোহাঞিৰ প্ৰতিচ্ছবিত । ইয়াৰ পিছতে জ্যেষ্ঠ, কনিষ্ঠ সাংবাদিকসকলে মহীৰূহ গৰাকীলৈ পুষ্প নিবেদন কৰি শেষ শ্ৰদ্ধাঞ্জলি জ্ঞাপন কৰে । অনুষ্ঠানটোত মহান সাহিত্যিক গৰাকীৰ জীৱন দৰ্শনৰ ওপৰত আলোকপাত কৰি সাংবাদিকসকলে স্মৃতি ৰোমন্থন কৰে ।
লগতে পঢ়ক : টিপ্ৰা-বিজেপি ৰাজনৈতিক সংঘৰ্ষত কেবাজনো আহত, কঠোৰ নিৰাপত্তা ব্যৱস্থা
