পশ্চিম বিলাসীপাৰা, 5 ডিচেম্বৰ : শনিবাৰে লেখিকা শিখা শৰ্মাৰ বিৰুদ্ধে বিলাসীপাৰাৰ বেলতলী চাৰিআলিত সদৌ অসম গৰিয়া মৰিয়া দেশী জাতীয় পৰিষদে সাব্যস্ত কৰিলে উত্তাল প্ৰতিবাদ(Protest against Sikha Sarma) । শুকুৰবাৰে নিশা ঐতিহাসিক পাণবাৰী মছজিদত উপস্থিত হৈ মুখ্যমন্ত্ৰী ড৹ হিমন্ত বিশ্ব শৰ্মাক সমালোচনা কৰিবলৈ গৈ দেশী জনগোষ্ঠীক লৈ বিতৰ্কিত মন্তব্য কৰাৰ লগতে দেশী কোন বুলি প্ৰশ্ন উত্থাপন কৰিছিল লেখিকা শৰ্মাই ।
তাৰ পিছতেই জাঙুৰ খাই উঠে পৰিষদৰ সমূহ বিষয়ববীয়াই ৷ শিখা শৰ্মা মূর্দাবাদ, শিখা শৰ্মা গ' বেক, শিখা শৰ্মাক গ্ৰেপ্তাৰ কৰক, শিখা শৰ্মা আজমলৰ দালাল আদি শ্ল'গানেৰে উত্তাল প্ৰতিবাদ সাব্যস্ত কৰে প্ৰতিবাদকাৰীসকলে ৷ লগতে শৰ্মাক গ্ৰেপ্তাৰৰ দাবী উত্থাপন কৰে পৰিষদে ৷ ইয়াৰোপৰি বিতৰ্কিত লেখিকাগৰাকীৰ পুত্তলিকা দাহ কৰি ক্ষোভ উজাৰে প্ৰতিবাদকাৰীসকলে ৷ এই প্ৰতিবাদস্থলীত পৰিষদৰ কেন্দ্ৰীয় সভাপতি শ্বাহনৱাজ হুছেইনৰ লগতে সংগঠনটোৰ বিভিন্ন পৰ্যায়ৰ নেতা, কৰ্মকৰ্তা সকলো উপস্থিত থাকে ।
উল্লেখ্য যে, শুকুৰবাৰে ধুবুৰীত উপস্থিত হৈ (Sikha Sarma visits Dhubri) মুখ্যমন্ত্ৰী ড৹ হিমন্ত বিশ্ব শৰ্মা সন্দৰ্ভত বিতৰ্কিত মন্তব্য কৰিছিল লেখিকাগৰাকীয়ে (Controversial Statement Of Sikha Sarma against CM) ৷ সংবিধানত থকা ‘ধৰ্ম নিৰপেক্ষতা’ক অৱমাননা কৰি মুখ্যমন্ত্ৰী ড৹ হিমন্ত বিশ্ব শৰ্মাই ভাৰতক এখন হিন্দু ৰাষ্ট্ৰ প্ৰতিষ্ঠা কৰাত সমৰ্থন কৰিছে ৷ গতিকে আলফা(স্বা) আৰু পৰেশ বৰুৱাৰ লেখীয়াকৈ অসমৰ মুখ্যমন্ত্ৰীগৰাকীকো নিষিদ্ধ ঘোষণা কৰি গ্ৰেপ্তাৰ কৰিব লাগে বুলি মন্তব্য কৰিছিল লেখিকাগৰাকীয়ে ৷
লগতে পঢ়ক : শিখা শৰ্মাক গ্ৰেপ্তাৰৰ দাবীত উত্তাল প্ৰতিবাদ দেশী জনগোষ্ঠীয় মঞ্চৰ
