নিউজ ডেস্ক,১০ নৱেম্বৰ : ২০১৮ আৰু ২০১৯ চনত বিশ্বৰ আগশাৰীৰ প্ৰযুক্তি কোম্পানী এপলৰ নিয়োগ প্ৰক্ৰিয়াত খেলিমেলিৰ অভিযোগ উঠিছিল । বৈষম্যমূলক নিয়োগ প্ৰক্ৰিয়াৰ অভিযোগ নিষ্পত্তি কৰিবলৈ কোম্পানীটোৱে ২৫ নিযুত ডলাৰ ক্ষতিপূৰণ দিবলৈ সন্মত হৈছে । বৃহস্পতিবাৰে কোম্পানীয়ে এই সন্দৰ্ভত বিশেষ চুক্তি ঘোষণা কৰে । চুক্তিখনে ইমিগ্ৰেচন এণ্ড নেচনেলিটি এক্টৰ উলংঘনৰ অভিযোগত ন্যায় বিভাগৰ দ্বাৰা এক দীঘলীয়া তদন্তৰ সমাধান কৰিছে ৷
ফেডাৰেল নিয়ন্ত্ৰকসকলে কৈছে যে ২০১৯ চনত আৰম্ভ হোৱা এক অনুসন্ধানত পোহৰলৈ আহিছে যে এপলৰ নিয়োগ প্ৰক্ৰিয়াই দেশখনত স্থায়ী আৱাসীৰ মৰ্যাদা বিচৰা কিছুমান অনুপ্ৰৱেশকাৰী শ্ৰমিকক প্ৰদান কৰা নিযুক্তিৰ বাবে আমেৰিকাৰ প্ৰাৰ্থীসকলৰ বিৰুদ্ধে বৈষম্যমূলক আচৰণ দেখুৱাইছে ৷ কিছুমান ক্ষেত্ৰত, এপলে অনা আমেৰিকানৰ বিৰুদ্ধেও বৈষম্যমূলক আচৰণ কৰিছিল ।
এপলে আনুষ্ঠানিক ৭ পৃষ্ঠাৰ নিষ্পত্তিত কোনো ধৰণৰ অন্যায়ৰ কথা কঠোৰভাৱে অস্বীকাৰ কৰি তেওঁলোকৰ নিয়োগৰ ৰেকৰ্ড প্ৰকাশ কৰে ৷ এপলে গৌৰৱেৰে আমেৰিকা যুক্তৰাষ্ট্ৰত ৯০,০০০ তকৈও অধিক লোকক নিযুক্তি দিয়ে আৰু দেশজুৰি বিনিয়োগ অব্যাহত ৰাখিছে । যাৰ ফলত লাখ লাখ নিযুক্তি সৃষ্টি হৈছে বুলি কোম্পানীটোৱে দাবী কৰিছে । যেতিয়া কোম্পানীটোৱে অনুভৱ কৰিছিল যে তেওঁলোকে অনিচ্ছাকৃতভাৱে ন্যায় বিভাগৰ মানদণ্ড অনুসৰণ কৰা নাছিল । তেতিয়া তেওঁলোকৰ সমস্যাবোৰ সমাধান কৰি এক মীমাংসাত সন্মত হৈছিল ।
লক্ষণীয়ভাৱে ২৫ নিযুত ডলাৰ এপলৰ বাবে অতি সামান্য ধন । কিয়নো যোৱা ৩০ ছেপ্টেম্বৰৰ শেষৰফালে অন্তিম বিত্তীয় বৰ্ষত কোম্পানীটোৱে ৩৮৩ বিলিয়ন ডলাৰ ৰাজহ উপাৰ্জন কৰিছিল । ১৮.২৫ নিযুত ডলাৰ এপলৰ কথিত বৈষম্যৰ ভুক্তভোগীসকলক ক্ষতিপূৰণ দিবলৈ ব্যৱহাৰ কৰা হ'ব । বাকীখিনি ধন জৰিমনা হিচাপে সামৰি লোৱা হ'ব ।
লগতে পঢ়ক :IMF Projection on Global Growth: ২০২৩ বৰ্ষত বিশ্বজনীন বিকাশ ৩ শতাংশলৈ হ্ৰাস আইএমএফৰ
