কেন্দ্ৰীয় বাজেট: এই বছৰৰ কেন্দ্ৰীয় বাজেটৰ অধ্যয়নে স্পষ্ট কৰে যে অৰ্থনৈতিক মন্দাৱস্থাই কেন্দ্ৰ আৰু ৰাজ্যসমূহৰ অৰ্থনৈতিক অৱস্থাৰ কিমান ক্ষতি কৰিছে । বিত্ত মন্ত্ৰী নিৰ্মলা সীতাৰমনে স্বীকাৰ কৰিছে যে বিত্তীয় বৰ্ষ 2019-20 ৰ সংশোধিত নিৰিখৰ হিচাপত সকলো 5টা প্ৰধান কেন্দ্রীয় কৰৰ লগত জড়িত তেওঁৰ বাজেটৰ লক্ষ্য পূৰণ কৰাতো সম্ভৱ নহ'ব । অৰ্থনৈতিক মন্দাৱস্থাই কেৱল কেন্দ্ৰৰ অৰ্থনীতিকে ক্ষতি কৰা নাই, ই ৰাজ্য চৰকাৰ সমূহকো সমানে ক্ষতিগ্ৰস্ত কৰিছে কিয়নো তেওঁলোকে কেন্দ্ৰই সংগ্ৰহ কৰা কৰৰ পৰা 1.53 লাখ কোটি টকাৰ অংশ হেৰুৱাব ।
যোৱা কিছু বছৰ ধৰি ঘৰুৱা বাৰ্ষিক আয় কমি আহি শেহতীয়াকৈ জুলাই-ছেপ্টেম্বৰৰ সময়ত মাত্ৰ 4.5% লৈ অৱনমিত হৈছে । 2012-13 বৰ্ষৰ জানুৱাৰী-মাৰ্চৰ সময়ৰ পৰা এইটো হৈছে আটাইতকৈ কম ঘৰুৱা বাৰ্ষিক উৎপাদনৰ হাৰ । এই মন্দাই কেন্দ্ৰীয় চৰকাৰক আৰ্থিকভাৱে বেয়াকৈ ক্ষতিগ্ৰস্ত কৰিছে ।
জুলাই 2019ৰ মধ্যকালীন বাজেট দিয়াৰ সময়ত নিৰ্মলা সীতাৰমনে 2019-20 বিত্তীয় বৰ্ষৰ বাজেটৰ নিৰিখত 24.61 লাখ কোটি টকা ৰাজহ সংগ্ৰহৰ হিচাপ ধৰিছিল । এইতো হিচাপত 22.48 লাখ কোটি (বিত্তীয় বৰ্ষ 2018-19ৰ পুনঃ নিৰ্ধাৰিত নিৰিখ)ৰ পৰা 24. 61 লাখ কোটিলৈ (বিত্তীয় বৰ্ষ 2019-20)ৰ পূৰ্বনিৰ্ধাৰিত নিৰিখত মুঠ 2.13 লাখ কোটিৰ বৃদ্ধি হ'ব লাগিছিল যি শতাংশৰ হিচাপত 9. 47%ৰ বৃদ্ধি হ'লহেতেন । সীতাৰমন এই লৈ আত্মবিশ্বাসী আছিল কিয়নো GSTক বাদ দি বাকী বাণিজ্যিক কৰ আৰু আয় কৰ দুয়োটাই এই বছৰত ভাল বৃদ্ধিৰ লক্ষণ দেখাই আছিল ।
2019-20 বিত্তীয় বৰ্ষত কেন্দ্ৰীয় চৰকাৰৰ সংগ্ৰহ হ'ব লগীয়া মুঠ 24.61 লাখ টকাৰ কৰৰ পৰা ৰাজ্য চৰকাৰ সমূহে 8.09 লাখ কোটি পোৱাৰ হিচাপ আছিল ।
যি কি নহওঁক, যোৱা 2019ৰ 5জুলাইৰ পৰা 2020ৰ 1 ফেব্ৰুৱাৰীলৈকে মাত্ৰ 7 মাহৰ ভিতৰতে নিৰ্মলা সীতাৰমনৰ 2019-20 বিত্তীয় বৰ্ষৰ নিৰ্ধাৰিত নিৰিখত আউল লাগিল । কেন্দ্ৰীয় চৰকাৰৰ মুঠ কৰ সংগ্ৰহ 24.61 লাখ কোটি (2019-20ৰ পূৰ্ব নিৰ্ধাৰিত নিৰিখ) টকাৰ পৰা 21. 63 লাখ কোটিলৈ ( 2019-20ৰ পুনঃ নিৰ্ধাৰিত নিৰিখ) মুঠ 2.98 লাখ কোটি টকা বা 12.1% হ্ৰাস হোৱাটোপ্ৰায় নিশ্চিত । যাৰ ফলস্বৰূপে কেন্দ্ৰীয় চৰকাৰৰ কৰ সংগ্ৰহ, বাজেটৰ নিৰিখত 16.5 লাখ টকাৰ পৰা 15.05 লাখ (কেন্দ্ৰলৈ যোৱা মুঠ) কোটিলৈ হ্ৰাস হ'বলৈ গৈ আছে যি প্ৰায় 1.45 লাখ কোটি বা 8.84% ৰ লোকচান ।
এই লোকচান সংখ্যাগত ফালৰ পৰা ৰাজ্যচৰকাৰ সমূহৰ বেছি হব, যি নেকি তেওঁলোকৰ মুঠ নিৰ্ধাৰিত সংগ্ৰহৰ পৰা আনুপাতিক হিচাপত আৰু অধিক হোৱাটো নিশ্চিত ।
যদিও 2019-20 বিত্তীয় বৰ্ষত ৰাজ্য চৰকাৰসমূহে 8.09 লাখ কোটি টকা লাভ কৰাৰ কথা আছিল কিন্তু যোৱা শনিবাৰে ঘোষণা কৰা পুনঃ নিৰ্ধাৰিত নিৰিখত তেওঁলোকৰ অংশ 6.56 লাখ কোটিলৈ হ্ৰাস পাব যি নেকি বাজেটৰ নিৰিখত 1.53 লাখ কোটি টকা বা 18.91%ৰ লোকচান ।
