নেশ্যনেল ডেস্ক, ৩ জুলাই: গ্ৰাহকক আকৰ্ষিত কৰাৰ বাবে সদায়ে নতুন নতুন কৌশল অৱলম্বন কৰে ভাৰতৰ আগশাৰীৰ টেলিকম কোম্পানী ৰিলায়েন্সে (Reliance)। এইবাৰ ৰিলায়েন্স জিঅ'ই (Jio) গ্ৰাহকৰ বাবে আগবঢ়াইছে জৰুৰীকালীন ডাটা ঋণৰ সুবিধা । শনিবাৰে জিঅ'ই (Jio) প্ৰকাশ কৰা এক বিবৃতি অনুসৰি, এই জৰুৰীকালীন ডাটা ঋণৰ সুবিধাই গ্ৰাহকৰ 'ৰিচাৰ্জ নাও এণ্ড পে লেটাৰ' প্ৰক্ৰিয়াক অধিক সহজ কৰি তুলিব । যিসকল গ্ৰাহকে দৈনিক ডাটা শেষ হৈ যোৱাৰ লগে লগে ৰিচাৰ্জ কৰাৰ ক্ষেত্ৰত অসুবিধাৰ সন্মুখীন হয়, সেই গ্ৰাহকসকলৰ বাবে ডাটা ঋণ সুবিধাজনক হ'ব । জিঅ'ই প্ৰিপেইড ব্যৱহাৰকাৰীসকলক ১১ টকা মূল্যৰ ১ জিবিৰ ৫ টা জৰুৰীকালীন ডাটা ঋণ পেক ল'বলৈ অনুমতি প্ৰদান কৰিব ।
জৰুৰীকালীন ডাটা ঋণ সুবিধা কেনেদৰে লাভ কৰিব-
১) মাইজিঅ' এপ (MyJio App) খোলক আৰু পৃষ্ঠাটোৰ ওপৰৰ দিশত বাওঁফালে থকা 'মেনু'(menu)লৈ যাওক
২) মোবাইল সেৱাৰ অধীনত 'জৰুৰীকালীন ডাটা ঋণ' (Emergency Data Loan) বাচনি কৰক ।
৩) জৰুৰীকালীন ডাটা ঋণ বেনাৰত 'Proceed'ত বাছনি কৰক ।
৪) 'জৰুৰীকালীন তথ্য লাভ কৰক'(Get emergency data) বুলি উল্লেখ থকা বিকল্প বাছনি কৰক ।
৫) জৰুৰীকালীন ঋণৰ লাভালাভ পাবলৈ 'এতিয়া সক্ৰিয় কৰক'(Activate now) বাচনি কৰক ।
৬) ইয়াৰ পাছতে জৰুৰীকালীন ডাটা ঋণ লাভ কৰে গ্ৰাহকে ।
শেহতীয়াকৈ আমাজন প্ৰাইমৰ সদস্যপদ লাভ কৰাৰ ক্ষেত্ৰতো ৰিলায়েন্স জিঅ'ই গ্ৰাহকসকলৰ বাবে বিশেষ সুবিধা আগবঢ়াইছিল । ৯৯৯ টকাত কোনো ধৰণৰ অতিৰিক্ত খৰছ নোহোৱাকৈ এবছৰৰ বাবে এমাজন প্ৰাইমৰ সদস্যপদ লাভ কৰাৰ সুবিধা আগবঢ়াইছিল টেলিকম কোম্পানীটোৱে । জিঅ'ফাইবাৰ ব্যৱহাৰকাৰীৰ বাবে এই সুবিধা ঘোষণা কৰা হৈছিল ।
লগতে পঢ়ক:এটা বছৰতে উত্তৰাখণ্ডত তৃতীয়গৰাকী মুখ্যমন্ত্ৰীৰ হাতলৈ শাসনৰ বাঘজৰী
