মুম্বাই,৮ চেপ্তেম্বৰঃ দ্ৰুতগতিত চলিছে অভিনেতা সুশান্ত সিং ৰাজপুতৰ মৃত্যুৰ তদন্ত । অভিনেতাগৰাকীৰ মৃত্যুৰ তদন্তৰ প্ৰতিবেদন অনুসৰি, প্ৰধান অভিযুক্ত ৰিয়া চক্ৰৱৰ্তীক ৪৮ ঘন্টাৰ ভিতৰত গ্ৰেপ্তাৰ কৰাৰ সম্ভাৱনা আছে । সুশান্ত সিং ৰাজপুতৰ মৃত্যুৰ লগত ড্ৰাগছজাতীয় দ্ৰৱ্য সন্দৰ্ভত ৰিয়া চক্ৰৱৰ্তীক তলব কৰিছে নাৰ্কটিক কন্ট্ৰল ব্যুৰোৰ তৰফৰ পৰা ।
ইয়াৰ পূৰ্বে কেদাৰানাথ চিনেমাখনৰ অভিনেতা চেমুৱেল মিৰাণ্ডা আৰু ৰিয়া চক্ৰৱৰ্তীৰ ভাতৃ শৌভিক চক্ৰৱৰ্তীকো গ্ৰেপ্তাৰ কৰা হৈছিল । আনহাতে একাংশ অভিনেতাক নাৰ্কটিক কন্ট্ৰল ব্যুৰোৰ কাৰ্যালয়লৈ সোধ পোচৰ বাবে মঙলবাৰে পুৱা ৯:৩৩ তলব কৰা হৈছিল । এই ঘটনাৰ লগত জড়িত তিনিগৰাকী অভিযুক্তৰ লগত মুখা মুখিকৈ জেৰা কৰা হ'ব, ইয়াৰ ভিতৰত ৰিয়া চক্ৰৱৰ্তীৰ ভাতৃ শৌভিক চক্ৰৱৰ্তী, চেমুৱেল মিৰাণ্ডা আৰু সুশান্ত সিং ৰাজপুতৰ ৰান্ধনী দীপেশ ছাৱন্তও আছে ।
