মৰিগাঁও,৮মে' : বিদ্যুত বিভাগৰ ঠিকাদাৰ আৰু প্ৰৱন্ধকৰ চূড়ান্ত অৱহেলাৰ ফল ভূগিব লগা হৈছে মৰিগাঁৱৰ টেঙাগুৰি গাঁওবাসীয়ে । অঞ্চলটোলৈ বিগত ২৮ এপ্ৰিলৰ পৰা ব্যাহত হৈ পৰিছে বিদ্যুৎ সেৱা । কাৰণ গাঁওখনত বিদ্যুতৰ খুটাৰ পৰা বিদ্যুৎ পৰিবাহী তাঁৰলৈ সকলো থকাৰ পাছতো টেন্সফৰমাৰ নোহোৱাৰ ফলতেই বিদ্যুৎ সেৱাৰ পৰা বঞ্চিত হবলগীয়া হৈছে গাঁওবাসী ।
অভিযোগ অনুসৰি, নগাঁৱৰ নিৰ্মল পাল নামৰ বিদ্যুত বিভাগৰ ঠিকাদাৰজনে গাঁওখনৰ বিদ্যুত সেৱা যোগানৰ দায়িত্ব লৈছিল । কিন্তু ঠিকাদাৰজনে সঠিক ভাৱে কাম নকৰাৰ বাবে ২৮ এপ্ৰিলত বিকল হৈ পৰে টেন্সফমাৰটো । অঞ্চলবাসীয়ে বিদ্যুৎ বিভাগক খবৰ দিয়াৰ পাছত স্থানীয় শক্তি বিভাগৰ লোকে টেন্সফমাৰটো লৈ গৈছিল যদিও বৰ্তমানেও অঞ্চলটোত পুনৰ সংস্থাপন কৰা নাই ট্ৰেন্সফৰ্মাৰ ৷ যাৰ বাবে দুৰ্ভোগ ভুগিব লগীয়া হৈছে অঞ্চলবাসীয়ে । ছাত্ৰ-ছাত্ৰীসকলে লেম,মমৰ পোহৰত অধ্যায়ন কৰিব লগীয়া হৈছে । ঠিকাদাৰ নিৰ্মল পালে এই ক্ষেত্ৰত কোনো গুৰুত্ব বহন নকৰাৰ অভিযোগ স্থানীয় ৰাইজৰ ।
