উপযুক্ত মূল্য নাপাই হতাশ গোলাঘাটৰ ৰঙালাউ খেতিয়ক

ত্ৰৈলোক্য সন্দিকৈ নামৰ খেতিয়কজনে ৫০ বিঘা মাটিত আৰু খগেন ছেত্ৰীয়ে ৪০বিঘা মাটিত  কৰিছিল ৰঙালাউ খেতি । কিন্তু প্ৰতি কেজি ৰঙালাউৰ বিপৰীতে কৃষক দুজনে লাভ কৰিছে মাত্ৰ ৪-৫ টকাহে। ইফালে,কঠোৰ শ্ৰমৰ লগতে নিশা টঙী ঘৰত টোপনি ক্ষতি কৰি বন্যহস্তী খেদি কৃষকসকলে উৎপাদন কৰা ৰঙালাউসমূহ আকৌ মধ্যভোগীয়ে বজাৰত প্ৰতি কেজিত ৪০ টকাকৈ বিক্ৰী কৰে বুলি অভিযোগ কৰিছে কৃষক দুগৰাকীয়ে ।

গোলাঘাট,৮মে' : গোলাঘাট জিলাৰ দ চমুৱাৰ শগুনপাৰাৰ দুগৰাকী কৃষকে অতি কষ্ট অথচ আশাৰে কৰিছিল ৰঙালাউ খেতি। ত্ৰৈলোক্য সন্দিকৈ নামৰ খেতিয়কজনে ৫০ বিঘা মাটিত আৰু খগেন ছেত্ৰীয়ে ৪০বিঘা মাটিত কৰিছিল ৰঙালাউ খেতি । কিন্তু প্ৰতি কেজি ৰঙালাউৰ বিপৰীতে কৃষক দুজনে লাভ কৰিছে মাত্ৰ ৪-৫ টকাহে। ইফালে,কঠোৰ শ্ৰমৰ লগতে নিশা টঙী ঘৰত টোপনি ক্ষতি কৰি বন্যহস্তী খেদি কৃষকসকলে উৎপাদন কৰা ৰঙালাউসমূহ আকৌ মধ্যভোগীয়ে বজাৰত প্ৰতি কেজিত ৪০ টকাকৈ বিক্ৰী কৰে বুলি অভিযোগ কৰিছে কৃষক দুগৰাকীয়ে ।

তেওঁলোকৰ মতে মধ্যভোগীয়ে কৃষকসকলৰ পৰা কম মূল্যতে উৎপাদিত সামগ্ৰীসমূহ ক্ৰয় কৰি বজাৰত অধিক মূল্যত বিক্ৰী কৰে । যাৰ বাবে কৃষকসকলে দুৰ্ভোগ ভুগিবলগীয়া হয় । ৫০ বিঘা মাটিত কৰা ৰঙালাউ খেতিয়ে কৃষকদুজনক ভাল ফল দিব বুলি আশা কৰিছিল যদিও উপযুক্ত দাম লাভৰ পৰা বঞ্চিত হৈ দ'মে দ'মে পেলাই দিবলগীয়া হয় ৰঙালাউ ৷ কঠোৰ পৰিশ্ৰমৰ উপযুক্ত মূল্য লাভ নকৰা এইসকল কৃষকৰ হা0হুমুনিয়াহ শুনিবনে চৰকাৰে?