গোলাঘাট অভিযান্ত্ৰিক মহাবিদ্যালয়ত প্ৰতিবাদ

গোলাঘাট অভিযান্ত্ৰিক মহাবিদ্যালয়ৰ স্বীকৃতিৰ আবেদন বাতিল কৰাৰ বিৰোধিতাৰে অসম জাতীয়তাবাদী যুৱ ছাত্ৰ গোলাঘাট জিলা সমিতিয়ে সাব্যস্ত কৰে উত্তাল প্ৰতিবাদ

গোলাঘাট,১০মে' : শুকুৰবাৰে অসম জাতীয়তাবাদী যুৱ ছাত্ৰ পৰিষদৰ গোলাঘাট জিলা সমিতিয়ে উত্তাল প্ৰতিবাদ সাব্যস্ত কৰে গোলাঘাট অভিযান্ত্ৰিক মহাবিদ্যালয়ত। মহাবিদ্যালয় খনৰ স্বীকৃতিৰ আবেদন বাতিল কৰাৰ বিৰোধিতাৰে অসম জাতীয়তাবাদী যুৱ ছাত্ৰ পৰিষদৰ গোলাঘাট জিলা সমিতিয়ে গোলাঘাট অভিযান্ত্ৰিক মহাবিদ্যালয়ৰ মুখ্য প্ৰৱেশদ্বাৰৰ সন্মুখত তিনি ঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে। প্ৰতিবাদকাৰীসকলে শিক্ষা মন্ত্ৰীৰ কাম নাই,শিক্ষা বিভাগ হুচিয়াৰ,অভিযান্ত্ৰিক মহাবিদ্যালয়ৰ স্বীকৃতি বাতিল কৰিবলৈ দিয়া নহ'ব আদি শ্ল'গান দিয়ে ৷

আনহাতে,অতি শীঘ্ৰে চৰকাৰে স্বীকৃতি গৃহীত নকৰিলে ভবিষ্যতে তীব্ৰ গণতান্ত্ৰিক আন্দোলন গঢ়ি তোলাৰো হুংকাৰ দিয়ে সংগঠনটোৰ নেতাসকলে ।