ধুবুৰীত অশোকাষ্টমী মেলাৰ গইনা লৈ একাংশ লোকৰ জুৱাৰ আড্ডা

দেওবাৰে জুৱাৰ আড্ডাত চলিল ধুবুৰী আৰক্ষীৰ অভিযান । অভিযানত জব্দ জুৱাৰ বিভিন্ন সামগ্ৰীৰ লগতে নগদ ধন ৷ জুৱাৰ আড্ডাৰ পৰা আৰক্ষীয়ে কৰায়ত্ত্ব কৰে দুজন জুৱাৰীক

ধুবুৰী, 14 এপ্ৰিলঃ শনিবাৰৰ পৰা ধুবুৰীত আৰম্ভ হৈছে অশোকাষ্টমী মেলা । এফালে মেলা আনফালে জুৱাৰীৰ জুৱাৰ আড্ডা । ধুবুৰী চহৰৰ মেলা ময়দানৰ লগতে থকা ধুবোনী ঘাট চৰত দুদিনৰ পৰা চলিছিল জুৱা । গোপন সূত্ৰৰ পম খেদি ধুবুৰী আৰক্ষীয়ে চলোৱা জুৱা বিৰোধী অভিযানত জুৱাৰ আড্ডাৰ পৰা আটক লালন প্ৰসাদ বীন (40) আৰু বানাত আলী (29) নামৰ দুই জুৱাৰী৷ বৰ্তমানেও এই সন্দৰ্ভত অব্যাহত আছে স্থানীয় আৰক্ষীৰ অভিযান৷