কলিয়াবৰত মুখ্যমন্ত্ৰীক ক’লা পতাকা প্ৰদৰ্শন অসম জাতীয়তাবাদী যুৱ ছাত্ৰ পৰিষদৰ

কলিয়াবৰৰ মৌচন্দা পথাৰত অনুষ্ঠিত হোৱা ঠাকুৰ অনুকূল ঠাকুৰৰ ১৩২ সংখ‍্যক জয়ন্তী উপলক্ষে অনুষ্ঠিত "ধৃতি বৰ্তনা" মহোৎসৱত যোগদান কৰে মুখ্যমন্ত্ৰীগাৰকীয়ে ৷ উক্ত অনুষ্ঠানৰ পৰা নলনতিৰ নিকতৱৰ্তী আৰিমৰাৰ অস্থয়ী হেলিপেডলৈ অহাৰ পথতেই ক’লা পতাকা প্ৰদৰ্শন কৰে অসম জাতীয়তাবাদী যুৱ ছাত্ৰ পৰিষদে ৷

কলিয়াবৰ, 8 ডিচেম্বৰঃ কলিয়াবৰত ক’লা পতাকা প্ৰদৰ্শন মুখ্যমন্ত্ৰী সৰ্বানন্দ সোণোৱালক ৷ মুখ্যমন্ত্ৰীগাৰকীৰ লগত একেখন বাহনতে আছিল স্বাস্থ্যমন্ত্ৰী ড৹ হিমন্ত বিশ্ব শৰ্মা আৰু বিজেপিৰ ৰাজ্যিক সভাপতি ৰঞ্জিত দাস ৷ কেবৰ বিৰোধিতাৰে কলিয়বৰৰ নলতলিত ৩৭ নং (ক) ৰাষ্ট্ৰীয় ঘাইপথত মুখ্যমন্ত্ৰীৰ বাহনক ক’লা পতাকা প্ৰদৰ্শন কৰে অসম জাতীয়তাবাদী যুৱ ছাত্ৰ পৰিষদে ৷

উল্লেখ্য যে, কলিয়াবৰৰ মৌচন্দা পথাৰত অনুষ্ঠিত হোৱা অনুকূল ঠাকুৰৰ ১৩২ সংখ‍্যক জয়ন্তী উপলক্ষে অনুষ্ঠিত "ধৃতি বৰ্তনা" মহোৎসৱত যোগদান কৰে মুখ্যমন্ত্ৰীগাৰকীয়ে ৷ উক্ত অনুষ্ঠানৰ পৰা নলতলিৰ নিকটৱৰ্তী আৰিমৰাৰ অস্থায়ী হেলিপেডলৈ অহাৰ পথতেই ক’লা পতাকা প্ৰদৰ্শন কৰে অসম জাতীয়তাবাদী যুৱ ছাত্ৰ পৰিষদে ৷ আৰক্ষীয়ে ততাতৈয়াকৈ তিনিওজন প্ৰতিবাদকাৰীক আটক কৰি আৰক্ষী চকীলৈ প্ৰেৰণ কৰে ৷ যুৱ ছাত্ৰ পৰিষদৰ সদস্য তিনিজন ক্ৰমে কলিয়বৰ জিলা শাখাৰ সভাপতি প্ৰদীপ লস্কৰ, জহিৰত হুচেইন আৰু চন্দন শইকীয়া ৷

লগতে পঢ়ক- শিমলুগুৰি ৰে'লৱে ষ্টেচনত উদ্ধাৰ 200 সন্দেহজনক নাগৰিক