গোলাঘাট,৩০মে' : শুকুৰবাৰে অসম-নগালেণ্ড সীমান্তৰ গোলাঘাট জিলা মেৰাপানীত উত্তেজনাময় পৰিৱেশ। অসমৰ ভূমি দখলৰ চেষ্টা চলায় নগা দুৰ্বৃত্তৰ দলে । গুগুল মেপ উলিয়াই অসম-নগালেণ্ডৰ সীমা নিৰ্ধাৰণ কৰিলে নগায় ।
অসম-নাগালেণ্ড সীমান্তত নগাৰ তাণ্ডৱ
ঘটনা অনুসৰি, ইন্দ্ৰপুৰৰ ভূৱন শইকীয়া নামৰ লোকজনৰ গৃহত ৩০ জনীয়া এটা নগা দুৰ্বৃত্তৰ দলে প্ৰৱেশ কৰে আৰু লোকজনৰ গৃহত থকা সকলো গছ-বন কাটি তহিলং কৰে । ইয়াৰোপৰি লোৰ ফেন্সিঙেৰে বেৰ দি লোকজনৰ ভূমি দখলৰো চেষ্টা চলায় নগা দুৰ্বৃত্তৰ দলটোৱে । এই ঘটনাৰ পাছতে মেৰাপানীত উত্তেজনাময় পৰিৱেশৰ সৃষ্টি হয় । পৰিস্থিতিৰ বুজ ল'বলৈ ঘটনাস্থলিত উপস্থিত হয় অসম আৰক্ষী আৰু চি.আৰ.পি.এফ বাহিনী ।
