বঙাইগাঁও, 7 জুন: আজি বৰপেটা লোকসভা সমষ্টিৰ সাংসদ আব্দুল খালেক নিজে শিক্ষা গ্ৰহণ কৰা বঙাইগাঁও মহাবিদ্যালয়ত উপস্থিত হয় ৷ বঙাইগাঁও মহা বিদ্যালয়ৰ প্ৰাক্তন ছাত্ৰ-ছাত্ৰী সন্থাৰ নতুনকৈ গঠিত সন্থাৰ শপত গ্ৰহন অনুষ্ঠানত অংশগ্ৰহণ কৰে সাংসদজনে ৷ প্ৰয়াত সুভাস চক্তৱৰ্তি ববঙাইগাঁও মহা বিদ্যালয়ৰ অধ্যক্ষ হৈ থকা সময়ত বঙাইগাঁও মহা বিদ্যালয়ৰ ছাত্ৰ আছিল আব্দুল খালেক ৷ সভাত উপস্থিত থাকি প্ৰাক্তন ছাত্ৰ-ছাত্ৰী সন্থাৰ সভাপতি হিচাবে নিৰ্ব্বাচিত হৈ গৌৰৱান্বিত বুলি ব্যক্ত কৰে সাংসদজনে ৷ লগতে মহাবিদ্যালয় 'নাক' কেন্দ্ৰিক নহৈ ইয়াৰ পৰা কিদৰে দেশৰ প্ৰশাসনিক বিষয়া উলিয়াব পাৰি তাতহে গুৰুত্ব প্ৰদান কৰা উচিত বুলি প্ৰকাশ কৰে সাংসদ আব্দুল খালেকে ৷
নিজে পঢ়া কলেজ খনৰ উন্নয়নত গুৰুত্ব প্ৰদান কৰি কলেজ খনৰ প্ৰাক্তন ছাত্ৰ-ছাত্ৰী সন্থাৰ কাৰ্য্যালয়ৰ বাবে সাংসদ পুজিৰ পৰা লাভ কৰিব লগীয়া পুজিৰ প্ৰথমতেই দহ লাখ টকাৰ এক অনুদান আগবঢ়োৱাৰ কথা ঘোষণা কৰে সাংসদ জনে । তেঁও লগতে কয় যিহেতু মন্ত্ৰী চন্দন ব্ৰহ্ম নিজেও এইখন কলেজৰ প্ৰাক্তন ছাত্ৰ সেয়ে তেওঁকো এই প্ৰাক্তন ছাত্ৰ সন্থাত সাঙুৰি লোৱাৰ প্ৰস্থাৱ দাঙি ধৰে। লগতে বঙাইগাঁও কলেজৰ প্ৰাক্তন ছাত্ৰ-ছাত্ৰী সকলৰ বাবে গুৱাহাটী আৰু দিল্লীৰ বাবে দুটা পৃথক শাখাৰ প্ৰস্তাবো উত্থাপন কৰে সাংসদজনে ।
বঙাইগাঁও কলেজৰ প্ৰাক্তন ছাত্ৰ-ছাত্ৰী সন্থাৰ প্ৰাক্তন সভাপতি প্ৰানেশ্বৰ লাহাৰীৰ সভাপতিত্বত অনুষ্ঠিত এই শপতগ্ৰহন অনুষ্ঠানত কলেজৰ অধ্যক্ষ হিতেশ দাসে নৱ নিৰ্ব্বাচিত সভাপতি আব্দুল খালেকক শপত বাক্য পাঠ কৰোৱায় ৷ সভাত সন্থাৰ কাৰ্য্যকৰি সভাপতি গোকুল কলিতা, উপ সভাপতি জ্যোতিৰ্ময় বৈশ্য বহুকেইগৰাকী গণ্য-মান্য ব্যক্তি উপস্থিত থাকে ৷
