ৰঙিয়া,১জুন : কামৰূপ জিলা ছাত্ৰ সন্থাৰ অভিনৱ পদক্ষেপ । শুকুৰবাৰে ৰঙিয়াৰ হৰদত্ত-বীৰদত্ত ভৱনত ৰেল'ৱে নিযুক্তি পৰীক্ষাৰ বিনামূলীয়া এটা প্ৰশিক্ষণ শিবিৰ উদ্ধোধন কৰা হয় । এই শিবিৰটো উদ্ধোধন কৰে আছুৰ সভাপতি দীপাংক নাথে । কামৰূপ জিলা ছাত্ৰ সন্থাৰ উদ্যোগত অনুষ্ঠিত কৰা এই প্ৰশিক্ষণ চলিব দুমাহলৈ । সপ্তাহৰ শনিবাৰ আৰু দেওবাৰে হ'বলগীয়া প্ৰশিক্ষণ শিবিৰটোত ৰে'ল বিভাগৰ বহুকেইগৰাকী শীৰ্ষ বিষয়াই প্ৰশিক্ষাৰ্থী সকলক প্ৰশিক্ষণ দিব বুলি মন্তব্য কৰে আছুৰ সভাপতি দীপাংক নাথে ।
আনহাতে, উদ্বোধনী অনুষ্ঠানত ৰে'ল বিভাগৰ শীৰ্ষ বিষয়া এল.টিউচিঙে ৰে'ল বিভাগৰ পৰীক্ষাত অৱতীৰ্ণ হ'বৰ বাবে এনেধৰণৰ প্ৰশিক্ষণৰ অতি প্ৰয়োজন বুলি উল্লেখ কৰি এই প্ৰশিক্ষণ শিবিৰটোৰ পৰা বহু নিৱনুৱা যুৱক-যুৱতীৱে ৰেল' বিভাগত নিযুক্তি পোৱাত সহায় লাভ কৰিব বুলি মন্তব্য কৰে । লগতে আছুৰ সভাপতি দীপাংক নাথে অসমীয়া ভাষাৰ প্ৰতি অহা ভাবুকিৰ বিষয়েও মন্তব্য কৰি কয় অসম চৰকাৰে এই ক্ষেত্ৰত গুৰুত্ব দিয়াটো প্ৰয়োজন ৷
