জয়পুৰ, 2 জুলাই: ৰাজস্থানৰ জয়পুৰত সোমবাৰে ৰাতি সংঘটিত হয় মানৱতাক লজ্জানত কৰা এক ঘটনা ৷ এগৰাকী 7 বছৰীয়া কন্যাক ধৰ্ষণ কৰা ঘটনাই ইতিমধ্যে জোকাৰি গৈছে ৰাজস্থানৰ ৰাজধানী জয়পুৰ চহৰ ৷
জয়পুৰত এজন য়ুৱকে ঘৰৰ পৰা অপহৰণ কৰি লৈ যায় এগৰাকী 7 বছৰীয়া নাবালিকাক ৷ অতি নিৰ্মমভাৱে ধৰ্ষণ কৰি 2 ঘণ্টাৰ পাছত অচেতন অৱস্থাত ঘৰৰ আগত পেলাই থৈ যায় যুৱকজনে ৷ ঘটনা সংঘটিত কৰিয়েই পলায়ন কৰে যুৱকজনে ৷ ভুক্তভুগীৰ পৰিয়ালে ইতিমধ্যে কাৱঁটিয়া চিকিৎসালয়ত ভৰ্তি কৰিছে যদিও চিকিৎসকে নাবালিকা গৰাকীৰ অৱস্থা অতি শোচনীয় বুলি প্ৰকাশ কৰি তেওঁক প্ৰেৰণ কৰে জেকে লোন চিকিৎসালয়লৈ ৷
ঘটনাটোৰ বিষয়ে জানিব পাৰি বহু সংখ্যক লোকে ভিৰ কৰা পৰিলক্ষিত হয় জেকে লোন চিকিৎসালয়ৰ বাহিৰত ৷ ইয়াৰ পিছতেই একাংশ লোকে প্ৰতিবাদী কাৰ্যসূচী ৰূপায়ণ কৰে চিকিৎসালয় খনৰ সন্মুখত ৷ ঘটনাস্থলীত আৰক্ষী উপস্থিত হৈ নিয়ন্ত্ৰণ কৰে পৰিস্থিতি ৷ ইতিমধ্যে ঘটনাৰ তদন্ত আৰম্ভ কৰি ধৰ্ষণকাৰীৰ সন্ধানত অভিযান অব্যাহত ৰাখিছে আৰক্ষীয়ে ৷
