নিউজ ডেস্ক, ৩ আগষ্ট : উচ্চতম ন্যায়ালয়ে বৃহস্পতিবাৰে জ্যেষ্ঠ অধিবক্তা কপিল চিবালক কয় যে সংবিধানৰ ৩৭০ অনুচ্ছেদে স্থায়ী বৈশিষ্ট্য লাভ কৰিছেনে নাই সেয়া এক বিতৰ্কৰ বিষয় ।
ভাৰতৰ মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত আৰু ন্যায়াধীশ এছ কে কৌল, সঞ্জীৱ খান্না, বি আৰ গাভাই আৰু সূৰ্য কান্তক লৈ গঠিত পাঁচজনীয়া বিচাৰপীঠে পূৰ্বৰ জম্মু-কাশ্মীৰ ৰাজ্যক বিশেষ মৰ্যাদা প্ৰদান কৰা অনুচ্ছেদ ৩৭০ বাতিলক প্ৰত্যাহ্বান জনোৱা এক গোটৰ আবেদনৰ শুনানি গ্ৰহণ কৰি আছে ।
শুনানিৰ দ্বিতীয়দিনা ন্যায়াধীশ কৌলে চিবালক প্ৰশ্ন কৰে, "এক আবেদন আছে যে অনুচ্ছেদ ৩৭০-য়ে সংবিধানৰ স্থায়ী বৈশিষ্ট্য লাভ কৰাটো এটা বিতৰ্কিত বিষয়... পৰৱৰ্তী সময়ত ধৰি লোৱা হয় যে এইটো স্থায়ী নহয়, তেতিয়াহ'লে অনুচ্ছেদ ৩৭০ বাতিল কৰাৰ পদ্ধতি কি... প্ৰক্ৰিয়া অনুসৰণ কৰিব লাগিব । এয়া মাত্ৰ দুটা সমস্যা...।"
চিবালে কয়, "মই চেষ্টা কৰিম আৰু আপোনাক বুজাই দিম যে এইটো স্থায়ী... মহামান্য আদালতে কৈছে যে এইটো বিতৰ্কিত, হয় ই বিতৰ্কিত । ইয়াত কোনো সন্দেহ নাই ।"
আনহাতে, কৌলে কয় বিতৰ্কিতৰ অৰ্থ হৈছে দুয়োপক্ষই গোচৰটোত যুক্তি দিব আৰু তাত বিতৰ্কও থাকিব যে প্ৰক্ৰিয়াটো অনুসৰণ কৰা হৈছে নে নাই তাৰ ওপৰত ।
চিবালে এই কথাত সন্মত হয় আৰু আদালতে জম্মু আৰু কাশ্মীৰৰ সংবিধানৰ প্ৰতি লক্ষ্য ৰাখিব লাগিব বুলি কয় যিটো ১৯৫৭ চনত প্ৰস্তুত আৰু অনুমোদিত হৈছিল । আৰু যদি সংসদে ৰাষ্ট্ৰপতি শাসনৰ অনুচ্ছেদ ৩৫৬-ৰ অধীনত দায়িত্ব গ্ৰহণ কৰে আৰু জৰুৰীকালীন অৱস্থা ঘোষণা কৰে তেতিয়াহে কেৱল সংসদৰ অংশটো ব্যৱহাৰ কৰিব পাৰে আৰু তাৰ পিছত অনুচ্ছেদ ৩৭০ কিয় স্থায়ী তাৰ ধাৰণা দিবলৈ জম্মু-কাশ্মীৰৰ সংবিধানৰ বিধান উল্লেখ কৰিব লাগিব ।
ইফালে মুখ্য ন্যায়াধীশে পৰ্যবেক্ষণ কৰে যে চিবালে এইটো আঙুলিয়াই দিয়াটো শুদ্ধ যে অনুসৰণ কৰা সাংবিধানিক প্ৰথাটো হৈছে সংবিধানৰ বিধানবোৰ নিৰ্বাচিতভাৱে জম্মু-কাশ্মীৰত প্ৰয়োগ কৰা । ন্যায়াধীশ চন্দ্ৰচূড়ে লগতে আঙুলিয়াই দিয়ে যে ইয়াক কেতিয়াও এনেদৰে ব্যৱহাৰ কৰা হোৱা নাছিল যে সকলো ব্যৱস্থা প্ৰযোজ্য হ'ব আৰু ন্যায়ালয়ে আইনৰ এই দিশটোৰ ওপৰত ভাৰতৰ এটৰ্নি জেনেৰেলৰ পৰা শুনিব লাগিব ।
আনহাতে, ন্যায়াধীশ কৌলে চিবালক কয়, "একমাত্ৰ বিষয়টো হ'ল যে ই এটা স্থায়ী চৰিত্ৰ লাভ কৰেনে নাই, যাক স্পৰ্শ কৰিব নোৱাৰি আৰু ভুল নে শুদ্ধ বিবেচনাৰ কোনো পদ্ধতি আছেনে নাই (অনুচ্ছেদ ৩৭০ বাতিলৰ সন্দৰ্ভত)... এইটো আপোনাৰ যুক্তিৰ প্ৰথম অংশ ।"
লগতে পঢ়ক :Gyanvapi ASI survey: আকৌ আৰম্ভ হ'ব জ্ঞানবাপীৰ জৰীপ; উচ্চ ন্যায়ালয়ৰ সেউজ সংকেত
