নিউজ ডেস্ক,২২ নৱেম্বৰ : বৰ্তমান সময়ত আপোনাৰ হাতত নগদ ধন নাথাকিলেও আপুনি বজাৰলৈ গৈ বিভিন্ন সামগ্ৰী ক্ৰয় কৰি আনিব পাৰে । কেৱল এয়াই নহয়, বিভিন্ন ধৰণৰ পৰিশোধো আপুনি হাতত থকা মোবাইলটোৰেই কৰিব পাৰে । আজিকালি গুগল পে (Google pay), ফোন পে (Phonepe), পেটিএম (Paytm) আদিৰ দৰে বিভিন্ন UPI এপৰ জৰিয়তে আপুনি পৰিশোধবোৰ কৰিব পাৰে ।
সম্প্ৰতি বহুলোকে এই UPI এপ ব্যৱহাৰ কৰি আছে আৰু এইধৰণৰ এপবোৰ নতুনকৈ উদ্ভাৱন হৈয়ে আছে । কিন্তু এই এপৰ জৰিয়তে পৰিশোধ কৰা সকলৰ বাবে এক উদ্বেগজনক খবৰ (Alert for UPI app users)। অতিশীঘ্ৰে এই এপৰ জৰিয়তে কৰা লেনদেনৰ ওপৰত এক সীমা নিৰ্ধাৰণ কৰাৰ সম্ভাৱনা আছে (UPI payment apps may impose transaction limit)। UPI ডিজিটেল প্ৰক্ৰিয়াবোৰ পৰিচালনা কৰা নেচনেল পেমেণ্ট কৰ্পোৰেচন অফ ইণ্ডিয়াই (NPCI) প্ৰতিযোগীৰ পৰিমাণ ৩০ শতাংশলৈ হ্ৰাস কৰাৰ বাবে ৩১ ডিচেম্বৰৰ সময়সীমা কাৰ্যকৰী কৰাৰ উদ্দেশ্যে ৰিজাৰ্ভ বেংকৰ সৈতে আলোচনা কৰি আছে ।
বৰ্তমান লেনদেনৰ কোনো সীমা নাই যাৰ বাবে গুগল পে আৰু ফোনপে এপ দুটাই বজাৰৰ প্ৰায় ৮০ শতাংশ ক'ভাৰ কৰি আছে । ২০২২ নৱেম্বৰত বিপদাশংকা পৰিহাৰ কৰাৰ বাবে, NPCIয়ে তৃতীয় পক্ষৰ এপ প্ৰদানকাৰীসকলৰ (TPAP) বাবে ৩০ শতাংশ সীমা বা volume capৰ প্ৰস্তাৱ দিছিল । সকলো বিষয় পৰ্যালোচনাৰ বাবে ইতিমধ্যে এখন সভাও অনুষ্ঠিত হৈছে । NPCIৰ বিষয়াসকলৰ উপৰিও, বিত্ত মন্ত্ৰালয় আৰু RBIৰ জ্যেষ্ঠ বিষয়াসকলেও এই বৈঠকত অংশগ্ৰহণ কৰিছিল ।
অৱশ্যে ৩১ ডিচেম্বৰলৈ সময়সীমা বৃদ্ধি কৰাৰ কোনো চূড়ান্ত সিদ্ধান্ত লোৱা হোৱা নাই কিয়নো NPCIয়ে সকলো বিকল্প মূল্যাঙ্কন কৰি আছে । NPCIয়ে এই মাহৰ শেষৰ ফালে UPI মাৰ্কেট কেপ ৰূপায়ণৰ ওপৰত সিদ্ধান্ত ল'ব বুলি আশা কৰা হৈছে । ২০২০ চনত, NPCIয়ে লেনদেনৰ অংশ সীমাবদ্ধ কৰি এক নিৰ্দেশনা জাৰী কৰিছিল যিটো তৃতীয় পক্ষৰ এপ্লিকেচন প্ৰদানকাৰীয়ে UPIত পৰিচালনা কৰা লেনদেনৰ পৰিমাণৰ ৩০ শতাংশত প্ৰক্ৰিয়া কৰিব পাৰে ।
লগতে পঢ়ক :Freeze credit card : নতুন ঋণ লোৱাৰ সময়ত ল'বলগীয়া সাৱধানতা...
