নেশ্যনেল ডেস্ক, 22 জানুৱাৰী : শনিবাৰে পুৱা চেণ্ট্ৰেল মুম্বাইৰ টাৰদেও অঞ্চলৰ (Tardeo area of central Mumbai) এটা আৱাসিক ভৱনৰ ১৮ নং মহলাত জুই লগাৰ ফলত কমেও সাতজন লোকৰ মৃত্যু হয় (Fire breaks out at a building in Mumbai) ৷
ইয়াৰোপৰি ১৫ জনক চিকিৎসালয়ত ভৰ্তি কৰোৱা হয় । অট্টালিকাটো মুম্বাইৰ ভাটিয়া চিকিৎসালয়ৰ ওচৰত অৱস্থিত (Bhatia hospital fire) । জুই নুমুৱাবলৈ মুঠ ১৩ টা অগ্নিনিৰ্বাপক ইঞ্জিন ঘটনাস্থলীলৈ লৈ যোৱা হৈছিল ।
বৃহৎ মুম্বাই পৌৰ নিগমৰ (বিএমচি) বিষয়াসকলৰ মতে, গোৱালিয়া টেংকৰ গান্ধী চিকিৎসালয়ৰ বিপৰীতে অৱস্থিত কমলা ভৱনত পুৱা প্ৰায় ৭ বজাত এই অগ্নিকাণ্ড সংঘটিত হয় । ঘটনাৰ তথ্য লাভ কৰি অগ্নিনিৰ্বাপক বাহিনীৰ কৰ্মী আৰু আৰক্ষী ঘটনাস্থলীত ততাতৈয়াকৈ উপস্থিত হৈছিল ।
তেৰটা অগ্নি নিৰ্বাপক ইঞ্জিন, সাতটা পানীৰ জেটি এই অগ্নি নিৰ্বাপণ অভিযানত ব্যৱহাৰ কৰা হয় বুলিও বিএমচিৰ এজন বিষয়াই জানিবলৈ দিয়ে ৷
লগতে পঢ়ক : Kaliabar Road accident: কলিয়াবৰৰ দেওচুৰত ভয়ংকৰ পথ দুৰ্ঘটনা
