নেশ্যনেল ডেস্ক, ২৯ এপ্ৰিল: কৰ'ণাৰ দ্বিতীয় ঢৌৱে ভাৰতক যথেষ্ট পৰিমাণে প্ৰভাৱান্বিত কৰিছে । ইয়াৰ সংক্ৰমণ ভয়ানকভাৱে বৃদ্ধি পোৱাৰ লগতে সম্প্ৰতি বিভিন্ন সমস্যাৰ সন্মুখীন হৈছে ভাৰত । বিশেষকৈ অক্সিজেনৰ তীব্ৰ নাটনিয়ে দেখা দিছে ভাৰতত । ভাৰতৰ এই সংকটকালত সহায়ৰ বাবে বিশ্বৰ কেইবাখনো দেশ আগবাঢ়ি আহিছে ।
অন্যান্য সকলৰ লগতে ভাৰতক সহায় কৰাৰ বাবে ৰাছিয়া চৰকাৰো আগবাঢ়ি আহিছে । এই উদ্দেশ্যে ৰাছিয়া চৰকাৰে অক্সিজেনকে ধৰি ক'ভিড প্ৰতিৰোধৰ বাবে বিভিন্ন স্বাস্থ্যসেৱাৰ সামগ্ৰী ভাৰতলৈ প্ৰেৰণ কৰাৰ ব্যৱস্থা গ্ৰহণ কৰিছে ৷ বুধবাৰে পুৱা ৰাছিয়াৰ পৰা অহা বিশেষ বিমান দিল্লী বিমানবন্দৰত উপস্থিত হয় ।
ৰাছিয়াৰ পৰা মুঠ ২০ টা অক্সিজেন কনচেন্ট্ৰেটৰ, ৭৫ টা ভেণ্টিলেটৰ, ১৫০ টা বেডচাইড মনিটৰ আৰু মুঠ ২২ মেট্ৰিকটন ঔষধ কঢ়িয়াই দুখনকৈ বিমান বুধবাৰে পুৱা দিল্লী বিমানবন্দৰত উপস্থিত হয় ।
লগতে পঢ়ক: উত্তৰ প্ৰদেশত অক্সিজেনৰ তীব্ৰ নাটনি
