নিউজ ডেস্ক, ১৩ মে' : বিশ্ববিখ্যাত ক্ৰিকেটাৰ মাষ্টাৰ ব্লাষ্টাৰ শচীন তেণ্ডুলকাৰৰ (master blaster Sachin Tendulkar) ক্ষেত্ৰত সংঘটিত এক আচৰিত ঘটনা শেহতীয়াভাৱে পোহৰলৈ আহিছে । শচীন তেণ্ডুলকাৰৰ নাম, ফটো আৰু কণ্ঠস্বৰ তেওঁৰ অনুমতি অবিহনে চিকিৎসা সামগ্ৰীৰ প্ৰচাৰৰ বাবে ব্যৱহাৰ কৰা হৈছিল (Tendulkars name illegally used in advertisement) । এই কথা জনাৰ পিচত মুম্বাই আৰক্ষীয়ে পশ্চিম খণ্ডৰ চাইবাৰ আৰক্ষী থানাত অজ্ঞাত অভিযুক্তৰ বিৰুদ্ধে এটা গোচৰ ৰুজু কৰিছে । শুকুৰবাৰে আৰক্ষী সূত্ৰই এই কথা জনাইছে (Mumbai Police registered case on Tendulkar fraud) ।
ঔষধি সামগ্ৰীৰ বিজ্ঞাপনত ব্যৱহৃত শচীনৰ নাম : মাষ্টাৰ ব্লাষ্টাৰ শচীন তেণ্ডুলকাৰৰ নাম, ফটো আৰু কণ্ঠস্বৰ তেওঁৰ অনুমতি অবিহনে ঔষধি সামগ্ৰীৰ বিজ্ঞাপনৰ বাবে ব্যৱহাৰ কৰা হৈছে । মুম্বাই আৰক্ষীয়ে এই বিষয়ত অজ্ঞাত অভিযুক্তৰ বিৰুদ্ধে এটা গোচৰ ৰুজু কৰিছে । বৃহস্পতিবাৰে পশ্চিম খণ্ড চাইবাৰ আৰক্ষী থানাত শচীনৰ সহকাৰীয়ে দাখিল কৰা অভিযোগৰ ভিত্তিত আৰক্ষীয়ে এই ব্যৱস্থা গ্ৰহণ কৰিছে । অভিযোগটোত এটা ফাৰ্মাচিউটিকেল কোম্পানীৰ অনলাইন বিজ্ঞাপনৰ কথা উল্লেখ কৰা হৈছে । বিজ্ঞাপনটোত শচীনে তেওঁলোকৰ সামগ্ৰীক সমৰ্থন জনোৱাৰ দাবী কৰা হৈছে (medical company allegedly used Tendulkars name) ।
শচীনৰ ফটো ব্যৱহাৰ কৰি বিজ্ঞাপন : এইটো প্ৰকাশ পাইছে যে মাষ্টাৰ ব্লাষ্টাৰ শচীন তেণ্ডুলকাৰৰ ফটো ব্যৱহাৰ কৰি এটা বিজ্ঞাপন দিয়া হৈছে । লগতে এইটোও প্ৰকাশ পাইছে যে এই বিজ্ঞাপনটো সৃষ্টি কৰা অভিযুক্তজনে sachinhealth.in নামৰ ৱেবছাইটটোও সৃষ্টি কৰিছিল ।
