নেশ্যনেল ডেস্ক, ২৪ নৱেম্বৰ : সকলোৰে জ্ঞাত যে, বুধবাৰে নিশালৈকে উত্তৰকাশী সুৰংগত ৪৫ মিটাৰ পৰ্যন্ত ড্ৰিলিং কৰা হৈছিল । ড্ৰিলিং কৰি থকাৰ মাজতে বুধবাৰে মাজনিশা ষ্টীলৰ এডাল কঠিন পাইপত ড্ৰিল মেচিনটো খুন্দা মাৰে । তাৰ পিচত পুৱালৈকে সেই পাইপডাল কটাৰ কামত লাগি থাকে সকলো ৷ ফলত বৃহস্পতিবাৰেও উদ্ধাৰ কামত বহু বাধাৰ সন্মুখিন হ’ব লগা হয় উদ্ধাৰকাৰী দল ।
৪৬.৮ মিটাৰ পৰ্যন্ত কৰা ড্ৰিলিং :
চিল্কিয়াৰা সুৰংগত ৬০ মিটাৰ পৰ্যন্ত ড্ৰিলিং কৰিব লাগিব । কিয়নো বিগত ১৩ দিন ধৰি সুৰংগটোৰ ৬০ মিটাৰ ভিতৰত ৪১ জন শ্ৰমিক আৱদ্ধ হৈ আছে । বৰ্তমান প্ৰায় ১৪ মিটাৰ আৰু ড্ৰিলিং কৰিলেহে শ্ৰমিককেইজনক উদ্ধাৰ কৰিব পৰা যাব । ড্ৰিলিঙৰ ক্ষেত্ৰত যদি কোনো বাধা নাথাকিলেহেতেন, তেন্তে বৃহস্পতিবাৰে পুৱা বা দিনটোৰ ভিতৰত শ্ৰমিকসকলৰ উদ্ধাৰ অভিযান সম্পূৰ্ণ হ’লহেঁতেন ।
-
#WATCH | Uttarkashi(Uttarakhand) Tunnel rescue | On the drone technology that is being used in the rescue operation, Cyriac Joseph, MD & CEO, Squadrone Infra Mining Pvt Ltd says, "This (drone) is one of the latest technologies which can go inside the tunnel, it goes into GPS… pic.twitter.com/XGve8bkShU
— ANI (@ANI) November 24, 2023 " class="align-text-top noRightClick twitterSection" data="
">#WATCH | Uttarkashi(Uttarakhand) Tunnel rescue | On the drone technology that is being used in the rescue operation, Cyriac Joseph, MD & CEO, Squadrone Infra Mining Pvt Ltd says, "This (drone) is one of the latest technologies which can go inside the tunnel, it goes into GPS… pic.twitter.com/XGve8bkShU
— ANI (@ANI) November 24, 2023#WATCH | Uttarkashi(Uttarakhand) Tunnel rescue | On the drone technology that is being used in the rescue operation, Cyriac Joseph, MD & CEO, Squadrone Infra Mining Pvt Ltd says, "This (drone) is one of the latest technologies which can go inside the tunnel, it goes into GPS… pic.twitter.com/XGve8bkShU
— ANI (@ANI) November 24, 2023
আজিয়েই উদ্ধাৰ অভিযান সম্পূৰ্ণ হ’ব :
উদ্ধাৰ অভিযানত সন্মুখীন হোৱা সকলো বাধা বা কাৰিকৰী সমস্যা সমাধান হোৱাৰ পথত ৷ আশা কৰা হৈছে যে আজি সম্পন্ন হ’ব উদ্ধাৰ অভিযান ।
ইফালে ভাৰতত প্ৰথমবাৰৰ বাবে উত্তৰকাশীৰ চিল্কিয়াৰা সুৰংগত আবদ্ধ হৈ থকা ৪১ জন শ্ৰমিকক উদ্ধাৰৰ ক্ষেত্ৰত দুৰ্যোগ ব্যৱস্থাপনা বিভাগে ড্ৰ’ন ভিত্তিক চেন্সৰ ব্যৱহাৰ কৰিছে । ড্ৰ’ন ভিত্তিক চেন্সৰ দলটোৰ নেতৃত্ব দিছে বেংগালুৰুৰ সিৰিএক জোচেফে ৷
দেশত প্ৰথমবাৰৰ বাবে দুৰ্যোগ ব্যৱস্থাপনাত ড্ৰোন ভিত্তিক চেন্সৰৰ ব্যৱহাৰ :
সিৰিএক জোচেফে কয় যে ড্ৰ’ন ভিত্তিক চেন্সৰ ইমানেই উপযোগী যে ইয়াৰ সমগ্ৰ তথ্য ডিজিটেল ৰূপত অনলাইনত উপলব্ধ । অৰ্থাৎ বেংগালুৰু, ৱাশ্বিংটন, কেপ টাউন বা ছিডনীত বহি থকা যিকোনো দুৰ্যোগ ব্যৱস্থাপনা বিশেষজ্ঞই ড্ৰ’ন ভিত্তিক চেন্সৰৰ জৰিয়তে নিজৰ কম্পিউটাৰতে সকলো তথ্য ডিজিটেল ৰূপত লাভ কৰিব ।
শেহতীয়া প্ৰযুক্তি :
বেংগালুৰুৰ পৰা দলটোৰ সৈতে অহা অচিমুল্লাই কয় যে এয়া এক প্ৰকাৰৰ চেন্সৰ । উত্তৰকাশীৰ ছিল্কিয়াৰা সুৰংগত ব্যৱহাৰ কৰা ড্ৰ’ন ভিত্তিক চেন্সৰ ভাৰতত প্ৰথমবাৰৰ বাবে দুৰ্যোগ ব্যৱস্থাপনাত ব্যৱহাৰ কৰা হৈছে । ড্ৰ’ন ভিত্তিক চেন্সৰ দলটোৰ কাৰিকৰী বিশেষজ্ঞ অচিমুল্লাই কয়, ‘‘উত্তৰকাশী সুৰংগ উদ্ধাৰত বিশ্বৰ আটাইতকৈ আধুনিক প্ৰযুক্তি ব্যৱহাৰ কৰা হৈছে । আমাৰ ড্ৰ’ন ভিত্তিক চেন্সৰে ভিতৰৰ প্ৰতিখন ছবি প্ৰদান কৰি আছে । উত্তৰকাশী সুৰংগৰ ভিতৰত উদ্ধাৰৰ বাবে ড্ৰিলিং চলি আছে ।
বেংগালুৰুৰ পৰা আহিল উদ্ধাৰকাৰী দল :
ইতিমধ্যে বেংগালুৰুৰ স্কোয়াড্ৰন ইনফ্ৰাৰ ছয়জনীয়া টানেলিং আৰু মাইনিং বিশেষজ্ঞ অভিযন্তাৰ এটা দল উত্তৰকাশীৰ ছিল্কিয়াৰা টানেলত উপস্থিত হৈছে । এই দলটোৱে সুৰংগটোৰ ভিতৰলৈ এখন ড্ৰ’ন প্ৰেৰণ কৰি সমগ্ৰ পৰিস্থিতি বুজ লয় ৷
এই ড্ৰ’ন ভিত্তিক চেন্সৰ দলটোৱে প্ৰস্তুত কৰা প্ৰতিবেদন ডিজিটেল মাধ্যমতো উপলব্ধ হ’ব । দেশ আৰু বিশ্বৰ যিকোনো প্ৰান্তত উপস্থিত থকা দুৰ্যোগ ব্যৱস্থাপনা বিশেষজ্ঞসকলে এই প্ৰতিবেদন চাব পাৰিব আৰু উত্তৰকাশী ছিল্কয়াৰ সুৰংগ উদ্ধাৰ অভিযান সম্পূৰ্ণ কৰাত ই সহায়ক হ’ব বুলি মআশা কৰা হৈছে ৷
লগতে পঢ়ক : সুৰংগত প্ৰৱেশ এনডিআৰএফৰ দল; দিল্লীৰ বিশেষজ্ঞ, কেন্দ্ৰীয় মন্ত্ৰী ভি কে সিঙৰ দায়িত্ব গ্ৰহণ
