আগৰতলা,২৩ মাৰ্চ : ত্ৰিপুৰাৰ স্বাস্থ্যখণ্ডত আন এক সফলতা । সফলতাৰে এগৰাকী ৬৪ বছৰীয়া ব্যক্তিৰ হৃদযন্ত্ৰৰ অস্ত্ৰোপচাৰ সম্পন্ন কৰিলে জিবি পণ্ট হাস্পতালৰ চিকিৎসকসকলে (Successful heart surgery at GBP hospital in Tripura)। ১৪ মাৰ্চত সম্পন্ন হৈছে এই জটিল অস্ত্ৰোপচাৰ ।
স্বাস্থ্য বিভাগৰ তথ্য অনুসৰি, ত্ৰিপুৰাৰ দক্ষিণ জিলাৰ অন্তৰ্গত শান্তিৰবজাৰ মহকুমাৰ পূব চৰকবাই গাঁৱৰ ৬৪ বছৰীয়া ব্যক্তিগৰাকী হৃদযন্ত্ৰৰ বিভিন্ন সমস্যাৰ সৈতে জিবি পণ্ট চিকিৎসালয়ৰ কাৰ্ডিঅ'-থ’ৰাচিক (Cardio-Thoracic) আৰু ভাস্কুলাৰ চাৰ্জাৰী আৰু ইণ্টাৰভেনচনেল বিভাগত (Vascular Surgery and Interventional Department) ভৰ্তি হৈছিল । বিশেষজ্ঞ চিকিৎসকসকলে প্ৰয়োজনীয় পৰীক্ষাৰ অন্তত তেওঁৰ হৃদযন্ত্ৰৰ সমস্যা নিশ্চিত কৰে আৰু হৃদযন্ত্ৰৰ অস্ত্ৰোপচাৰৰ সিদ্ধান্ত লয় ।
কাৰ্ডিঅ'-থ’ৰাচিক (Cardio-Thoracic) আৰু ভাস্কুলাৰ চাৰ্জাৰী বিভাগৰ ড৹ কনক নাৰায়ণ ভট্টাচাৰ্যৰ নেতৃত্বত ১৪ মাৰ্চত চিকিৎসকসকলে সফলতাৰে পাম্প কৰোনেৰী বাইপাছ গ্ৰাফ্টিং অস্ত্ৰোপচাৰৰ মাল্টি ভেচেল (Multi Vessel of Pump Coronary Bypass Grafting Surgery) সম্পন্ন কৰে ।
অস্ত্ৰোপচৰাৰ সময়ত এনাস্থেচিয়ালজিষ্ট (Anesthesiologist) ড৹ সুৰজিৎ পাল, পাৰফিউচনিস্ট সুজন চাহু, অস্ত্ৰোপচাৰ সহায়ক সুদীপ্ত মণ্ডলকে ধৰি অস্ত্ৰোপচাৰ দলৰ সদস্যসকল এই অস্ত্ৰোপচাৰত উপস্থিত থাকে । ইফালে বৰ্তমান ৰোগীজনৰ অৱস্থা সুস্থিৰ বুলি জানিব পৰা গৈছে । ৰোগীৰ পৰিয়ালৰ সদস্যসকল এই সফল অস্ত্ৰোপচাৰৰ বাবে চিকিৎসকসকলক ধন্যবাদ জ্ঞাপন কৰে ।
লগতে পঢ়ক :Lalu Prasad Yadav health update : উন্নত চিকিৎসাৰ বাবে লালুপ্ৰসাদ যাদৱক প্ৰেৰণ কৰা হ’ব দিল্লীলৈ
