নেশ্যনেল ডেস্ক, ২৭ ফেব্ৰুৱাৰীঃ উত্তৰ প্ৰদেশৰ কেইবাটাও সমষ্টিত পঞ্চম পৰ্যায়ৰ বিধানসভা নিৰ্বাচন( (UP Assembly Election 2022 )ৰ ভোটগ্ৰহণ চলি থকাৰ মাজতে পোহৰলৈ এক বিক্ষিপ্ত ঘটনা । প্ৰতাপগড়ৰ কুণ্ডা বিধানমসভা সমষ্টিৰ সমাজবাদী দলৰ প্ৰাৰ্থী গুলচন যাদৱৰ কনভয়ত আক্ৰমণৰ ঘটনা সংঘটিত । সমাজবাদী পাৰ্টিৰ কৰ্মকৰ্তাৰ অভিযোগ অনুসৰি পাহাৰপুৰৰ সমীপত দুৰ্বৃত্তই আক্ৰমণ চলাই গুলচন যাদৱৰ কনভয়ৰ গাড়ীৰ আইনা ভাঙি পেলাই ।
সমাজবাদী পাৰ্টিৰ অভিযোগ অনুসৰি প্ৰাৰ্থীগৰাকীৰ কনভয়ত আক্ৰমণ চলোৱাৰ উপৰিও গুলচন যাদৱৰ নিজৰেই মানিকপুৰ অঞ্চলত কন্ভয়ত আক্ৰমণ কৰাৰ উপৰিও যাদৱৰ ওপৰত মাৰপিট কৰে (Tension in fifth phase । আক্ৰমণৰ সময়ত সমাজবাদী পাৰ্টিৰ কৰ্মকৰ্তাসকলে ৰঘুৰাজ প্ৰতাপ সিং ওৰফে ৰাজা ভাইয়াৰ সমৰ্থক কুণ্ডাৰ চেক চৰ্দাৰক দেখাৰ কথাও উল্লেখ কৰে । চাকে চৰ্দাৰ আদিয়েই গুলচন যাদৱক আক্ৰমণ চলোৱাৰো অভিযোগ উত্থাপন হৈছে ।
ঘটনা সংঘটিত হোৱাৰ খৱৰ লাভ কৰাৰ পাছতে ঘটনাস্থলীত উপস্থিত হয় আৰক্ষী বাহিনী । আৰক্ষীয়ে জনোৱা মতে সকলো ঠিকেই আছে আৰু শান্তিপূৰ্ণভাৱেই ভোটগ্ৰহণ চলি আছে । SP প্ৰাৰ্থীৰ তৰফৰ পৰা লিখিত দিয়া হৈছে যাৰ ওপৰত ভিত্তি কৰি ইতিমধ্যেই ব্যৱস্থা গ্ৰহণ কৰা হৈছে বুলিও আৰক্ষী সুত্ৰই প্ৰকাশ কৰিছে । জিলা নিৰ্বাচনী বিষয়া ড০ নিতিন বনচালৰ মতে, গুলচন যাদৱ তেওঁৰ ঘৰত সম্পূৰ্ণসুৰক্ষিত ।
ইফালে শ্ৰাৱস্তি জিলাটো দেওবাৰৰ দিনটোত পঞ্চম পৰ্যায়ৰ বিধানসভা নিৰ্বাচনৰ ভোটগ্ৰহণ চলি আছে । কিন্তু ইয়াৰ মাজতে জিলাখনৰ এখন গাঁৱৰ লোকসকলে অঞ্চলটোত কোনো উন্নয়ন হোৱা নাই বুলি কৈ ভোটগ্ৰহণ বৰ্জন কৰাৰ সিদ্ধান্ত গ্ৰহণ কৰে ।
তেওঁলোকৰ অভিযোগ যে, তেওঁলোকে দীৰ্ঘদিন ধৰি ইয়াত ৰাস্তা আৰু অন্যান্য মৌলিক সুবিধাৰ দাবীত বিধায়ক আৰু অন্যান্য কাৰ্য্যালয়ৰ বিষয়াসকলৰ চাৰিওফালে ঘূৰি ফুৰিছে। কিন্তু ফলাফল আজিও আশাব্যঞ্জক হোৱা নাই । যাৰ ফলস্বৰূপে তেওঁলোকে এই সিদ্ধান্ত গ্ৰহণ কৰে।
লগতে পঢ়ক : Political violence in Agartala : বিজেপি-কংগ্ৰেছ সমৰ্থকৰ মাজত সংঘৰ্ষ
