নিউজ ডেস্ক, 24 জানুৱাৰী : জম্মু আৰু কাশ্মীৰৰ ৰাজোৰী জিলাৰ নিয়ন্ত্ৰণ ৰেখাত পাকিস্তান বাহিনীৰ গুলীচালনাত আহত হোৱা এজন ভাৰতীয় সেনা জোৱানৰ দেওবাৰে মৃত্যু হয় ৷
ভাৰতীয় সেনাৰ এক বিবৃতিত উল্লেখ কৰা অনুসৰি পাকিস্তান সেনাই ১৮ জানুৱাৰীত জম্মু-কাশ্মিৰৰ সুন্দৰবানী খণ্ডৰ নিয়ন্ত্ৰণ ৰেখাত পাকিস্তানে যুদ্ধ বিৰতি উলংঘন কৰি ধাৰাসাৰ গুলিবৰ্ষণ কৰিছিল ৷ সেই সময়ত ভাৰতীয় সেনাইও উচিত প্ৰত্যুতৰ দিছিল ৷
উক্ত ঘটনাত নায়ক নিশান্ত শৰ্মা নামৰ ভাৰতীয় সেনা জোৱান জন গুৰুতৰভাৱে আঘাত প্ৰাপ্ত হৈছিল ৷ ইয়াৰ পিচতে কামাণ্ড হাস্পতালত চিকিৎসা অব্যাহত ৰাখিছিল সেনা জোৱানজনৰ ৷
"আজি সৈনিকজনে গুৰুতৰভাৱে আঘাত পোৱা ফলত মৃত্যুবৰণ কৰে। নায়ক নিশান্ত শৰ্মা এজন সাহসী সৈনিক আছিল ৷ তেওঁৰ সৰ্বোচ্চ ত্যাগ আৰু কৰ্তব্যৰ প্ৰতি দেশে সদায় শ্ৰদ্ধা জনাব ৷" ভাৰতীয় সেনাই প্ৰেছ বিবৃতিত উল্লেখ কৰে ৷
লগতে পঢ়ক: মমতা বেনাৰ্জীক ৰামায়ণ উপহাৰ দিলে কোন বিজেপি নেতাই ?
