নেচনেল ডেস্ক,7 ছেপ্তেম্বৰ: দিল্লীত 28 আগষ্টত কৃষক সকলৰ ওপৰত আৰক্ষীয়ে লাঠিৰ্চাজ কৰি নিৰ্মম ভাৱে যিদৰে প্ৰহাৰ কৰিছিল তাৰ বিৰুদ্ধে জাঙুৰ খাই উঠিছে কৃষক সকল ৷
মঙলবাৰে কৃষকসকলে কিষাণ মহাপঞ্চায়তৰ আহ্বান কৰিছিল ৷ কিষাণ মহাপঞ্চায়তৰ এই আহ্বানৰ প্ৰতি লক্ষ্য ৰাখি প্ৰশাসনে নিৰাপত্তা ব্যৱস্থা বৃদ্ধি কৰাৰ লগতে দিল্লীৰ কেইবাটাও প্ৰান্তত ইন্টাৰনেট সেৱাৰ আৰু এছএমএছ সেৱা কৰ্তন কৰি ৰখা হৈছে ৷
উল্লেখযোগ্য যে, এগৰাকী চৰকাৰী মুখপাত্ৰ সদৰি কৰিছে যে, ৰাজহুৱা সুৰক্ষা, আইন-শৃংখলাত ব্যাঘাত হ'ব পাৰে এই কিষাণ মহাপঞ্চায়তৰ জৰিয়তে ৷ সেয়েহে এছএমএছ আৰু ছ'চিয়েল মিডিয়াৰ যাতে অপব্যৱহাৰ কৰি এই আন্দোলনক হিংসাত্মক কৰি তুলিব নোৱাৰে, তাৰ বাবে এনে ধৰণৰ ব্যৱস্থা গ্ৰহণ কৰা হৈছে ৷ কিয়নো আন্দোলনক লৈ উৰাবাতৰি বিয়পি পৰাৰ পাচত ৰাজহুৱা সম্পত্তি ক্ষতিসাধন হোৱাৰ পূৰ্ণ সম্ভাৱনা আছে ৷
লগতে পঢ়কঃ আগ্ৰাৰ পৰা অসম অভিমুখে ৰাওনা দেশৰ প্ৰথমখন কৃষক ৰে’ল
বিষয়া গৰাকীয়ে উল্লেখ কৰা অনুসৰি, ৰাজ্যখনৰ গৃহ বিভাগৰ সচিবে টেলিকম সেৱাৰ অস্থায়ী আইনৰ (ৰাজহুৱা জৰুৰীকালীন বা ৰাজহুৱা সুৰক্ষা) নিয়ম-2017-ৰ নিয়ম-2 ৰ আলমত এই নিৰ্দেশ জাৰি কৰা হৈছে ।
সম্প্ৰতি চহৰখনত কেন্দ্ৰীয় সশস্ত্ৰ আৰক্ষী বাহিনীৰ (CAPF) 10 টা কোম্পানীকে ধৰি প্ৰায় 40 টা নিৰাপত্তা বাহিনীৰ দল মোতায়েন কৰা হৈছে ৷
একেদৰে সোমবাৰে বিয়লি ভাগৰ পৰা মঙলবাৰে নিশালৈকে ইণ্টাৰনেট সেৱা কৰ্তন কৰি ৰখা হৈছে । ইন্টাৰেনট আৰু এছএমএছ সেৱা স্থগিত ৰখা অঞ্চলকেইটা হৈছে কুৰুক্ষেত্ৰ, কৈথাল, জিন্দ আৰু পানীপথ ।
লগতে পঢ়কঃ 9 ছেপ্তেম্বৰত অনুষ্ঠিত হ’ব 13 সংখ্যক BRICS সন্মিলন
