নলবাৰী, 28 অক্টোবৰ: নলবাৰীৰ ঘগ্ৰাপাৰত সা ৰে গা মা পাৰ চেম্পিয়ন তথা বলীউডৰ নেপথ্য কণ্ঠশিল্পী চলমান আলী উপস্থিত হয় শুকুৰবাৰে (SaReGaMaPa Champion Salman Ali in Nalbari)৷ বজালী জিলাৰ পাঠশালাৰ এক সংগীতানুষ্ঠানৰ বাবে অসমলৈ আহিছে চলমান (Bollywood play back singer Salman Ali) ৷
শুকুৰবাৰে পুৱা বৰঝাৰ বিমানবন্দৰৰ পৰা বজালীলৈ আহি থকাৰ পথতেই নলবাৰীৰৰ ঘগ্ৰাপাৰৰ বৃন্দাবন ৰেষ্টোৰাৰ পৰিৱেশ দেখি আপ্লুত হৈ পৰে চলমান ৷ লগে লগে লগত অহা লোকক কৈ বৃন্দাবন ৰেষ্টোৰাত সোমাবলৈ ইচ্ছা কৰে কণ্ঠশিল্পীগৰাকীয়ে (Bollywood singer Salman Ali visited Assam)৷
তাৰ পিছতেই তেওঁৰ কথা মৰ্মে বৃন্দাবন ৰেষ্টোৰাত আহাৰ গ্ৰহণ কৰিলে মুম্বাইৰ বলীউডৰ জনপ্ৰিয় কণ্ঠশিল্পীগৰাকীয়ে ৷ থলুৱা খাদ্যৰ সোৱাদ ল'লে নতুনকৈ আৰম্ভ হোৱা ৰেষ্টোৰাখনত ৷ ইণ্ডিয়ান আইডল, সা ৰে গা মা পাৰ চেম্পিয়ন খ্যাত জয়হো গানৰ কণ্ঠশিল্পী লগতে দাবাং -৩ চিনেমাৰ নেপথ্যৰ কণ্ঠশিল্পী গৰাকীয়ে ৰেষ্টোৰাখনত কিছু সময় জিৰণি লৈ বজালী জিলাৰ পাঠশালাত হোৱা এক সাংস্কৃতিক অনুষ্ঠানত অংশগ্ৰহণৰ বাবে পোনে পোনে ৰাওনা হয় ৷
চলমান আলীয়ে নানান অসমীয়া থলুৱা খাদ্যৰ সোৱাদ গ্ৰহণ কৰি প্ৰশংসাত পঞ্চমুখ হৈ পৰে ৷ লগতে ৰেষ্টোৰাখনৰ কৰ্তৃপক্ষৰ লগত মত-বিনিময় কৰি আনন্দ প্ৰকাশ কৰে ৷ বিশেষকৈ ৰেষ্টোৰাখনৰ চাফ-চিকুনতা পৰিষ্কাৰ পৰিচ্ছন্নতা বজাই ৰখাত ৰেষ্টোৰা কৰ্তৃপক্ষক শিল্পী গৰাকীয়ে প্ৰশংসা কৰে ৷
ইফালে বলীউডৰ কণ্ঠশিল্পীগৰাকীক কাষতে পাই আনন্দত আত্মহাৰা হৈ পৰে ৰেষ্টোৰাখনৰ স্বত্বাধিকাৰীৰ লগতে কৰ্মকৰ্তাসকলে ৷ কণ্ঠশিল্পীগৰাকীক অসমীয়া খাদ্য খুওৱাৰ লগতে অসমৰ কৃষ্টি সংস্কৃতিৰ কথাও জনায় ৷ অনাগত দিনত ৰেষ্টোৰাখনৰ পৰিস্কাৰ-পৰিচ্ছন্নতাৰ লগতে এনেকৈ আৰু লোকক আকৰ্ষিত কৰি ৰখাৰ বাবে প্ৰচেষ্টা চলাব বুলি জানিবলৈ দিয়ে কৰ্মকৰ্তাসকলে ৷
লগতে পঢ়ক: ডেংগুৰ পৰা আৰোগ্য় হোৱাৰ পিছত প্ৰথমবাৰৰ বাবে ৰাজহুৱাকৈ দৰ্শন দিলে ছলমান খানে
