নিউজ ডেস্ক, ২৫ মাৰ্চ : চুৰাট আদালতৰ দ্বাৰা দোষী সাব্যস্ত হোৱাৰ পিছত ৰাহুল গান্ধীৰ সাংসদ সদস্য পদ সমাপ্ত হয় (Rahul Gandhi membership from Lok Sabha terminated) । কিন্তু ইয়াৰ পিছতো কংগ্ৰেছ সাংসদগৰাকীৰ সমস্যা ইয়াতে শেষ নহ'ব বুলি অনুমান কৰিছে বিহাৰৰ ৰাজনৈতিক চক্ৰবোৰে (Rahul Gandhi conviction by Surat court) । কিয়নো একেটা মোডী উপাধিৰ গোচৰত ৰাহুল গান্ধীয়ে 12 এপ্ৰিলত পাটনা আদালতত শাৰীৰিকভাৱে হাজিৰ হ'ব লাগিব (Rahul Gandhi to appear before Patna court)।
পাটনা গোচৰটো বিজেপিৰ ৰাজ্যসভাৰ সাংসদ সুশীল কুমাৰ মোডীয়ে 2019 চনত দাখিল কৰিছিল (BJP MP Sushil Kumar Modi case against Rahul Gandhi) । উল্লেখ্য একে বছৰতে চুৰাট আদালতত মানহানিৰ গোচৰ ৰুজু কৰা হৈছিল । ইয়াৰ মাজতে সুশীল মোডীয়ে কংগ্ৰেছ নেতাসকলৰ সমালোচনাৰ তীব্ৰ প্ৰতিক্ৰিয়া প্ৰকাশ কৰি দাবী কৰে যে ৰাহুল গান্ধীক সঁচা কথা কোৱাৰ বাবে নহয়, মোডী উপাধিৰে লাখ লাখ পিছপৰা লোকক অপমান কৰাৰ বাবে শাস্তি দিয়া হৈছে (Modi surname issue) ।
সুশীল মোডীয়ে কয় যে কংগ্ৰেছে নিৰ্বাচনত পৰাজিত হোৱাৰ পিছত ইভিএমক অভিশাপ দিয়ে আৰু প্ৰতিকূল সিদ্ধান্ত আহিলে ন্যায়পালিকা, চৰকাৰ আৰু সংবাদ মাধ্যমৰ ফালে আঙুলি তোলে । ৰাহুল গান্ধীয়ে ন্যায়ালয়ৰ সিদ্ধান্ত গ্ৰহণ কৰি ন্যায়পালিকাক সন্মান কৰা উচিত । ৰাহুল গান্ধীৰ পূৰ্বে লালুপ্ৰসাদ যাদৱ আৰু জয়ললিতাকে ধৰি 200-ৰো অধিক লোকে এটা বা অন্যান্য গোচৰত শাস্তিৰ বাবে সদস্যপদ হেৰুৱাবলগা হৈছিল । এইটো এটা নতুন বিষয় নহয় বা ৰাহুল গান্ধী আইনৰ ঊৰ্ধ্বত নহয় ।
আনহাতে, ৰাহুল গান্ধীৰ বিৰুদ্ধে লোৱা ব্যৱস্থা সন্দৰ্ভত সুশীল মোডীয়ে কয় যে যিসকলে সত্যৰ পক্ষত থিয় দি আছে তেওঁলোকক আক্ৰমণ কৰা হৈছে আৰু কংগ্ৰেছে নিজেই সত্যক শ্বাসৰুদ্ধ কৰিবলৈ ৰাজনীতি কৰি আছে । সুশীল মোডীয়ে সোধে যে গণতন্ত্ৰত পিছপৰা জাতিৰ লোকসকলক 'চোৰ' বুলি ক'ব পাৰিনে ? সংবিধানে পিছপৰা শ্ৰেণীৰ লোকসকলক উচ্চ পদলৈ যোৱাৰ অধিকাৰ নিদিয়ে নেকি বুলিও তেওঁ সোধে ।
সুশীল মোডীয়ে কয় যে প্ৰধানমন্ত্ৰী মোডীৰ উপাধি সম্পৰ্কে অসংযত মন্তব্য কৰা আৰু আনকি ক্ষমা নোখোজাটো ৰাহুল গান্ধীৰ অহংকাৰৰ জোখ । "এই মনোভাবৰ বাবে তেওঁক শাস্তি দিয়া হৈছে । ৰাহুল গান্ধী আৰু কংগ্ৰেছে পিছপৰা জাতিৰ নৰেন্দ্ৰ মোডীক প্ৰধানমন্ত্ৰী হিচাপে বাছনি কৰাটো হজম কৰিবলৈ সক্ষম নহয় । এইকাৰণেই তেওঁৰ জাতিৰ সকলো লোকক চোৰ বুলি কৈ অপমান কৰা হৈছিল ।" মোডীয়ে কয় ।
বিজেপি সাংসদজনে কংগ্ৰেছক দলটোৰ দুৰ্দশাৰ পৰা একো শিক্ষা নোলোৱা বুলিও উল্লেখ কৰে । "দেশৰ আইন-আদালতৰ সন্মুখত সকলোৱে সমান । তেওঁলোকে (কংগ্ৰেছে) অভিযোগ কৰিছে যে দেশখনলৈ একনায়কত্ববাদ আহিছে । যিসকল দুৰ্নীতিত নিমজ্জিত তেওঁলোকে কৈছে যে আমি দুৰ্নীতিৰ বিৰুদ্ধে যুঁজি আছোঁ । তেওঁলোকে আদালতৰ সিদ্ধান্ত গ্ৰহণ কৰিবলৈ সাজু নহয় ।" সুশীল মোডীয়ে কয় ।
উল্লেখ্য যে ৰাহুল গান্ধীৰ অযোগ্যতাই দেশৰ ৰাজনৈতিক পৰিৱেশৰ উষ্ণতা বৃদ্ধি কৰিছে । ২০১৯ চনত কৰ্ণাটকৰ কোলাৰত এখন নিৰ্বাচনী সভাত ভাষণ দি ৰাহুল গান্ধীয়ে 'অপমানজনক মন্তব্য' কৰিছিল, যাৰ বাবে তেওঁ চুৰাট আদালতত দোষী সাব্যস্ত হয় । গান্ধীয়ে 'মোডী উপাধি'ক উপহাস কৰি মন্তব্য আগবঢ়াইছিল । ৰাহুলে কৈছিল 'মোডী কেনেকৈ সকলো চোৰৰ উপাধি হ'ব পাৰে ।'
পিছত, গুজৰাটৰ প্ৰাক্তন মন্ত্ৰী পূৰ্ণেশ মোডীয়ে 2019 চনত চুৰাটত এখন এজাহাৰ দাখিল কৰিছিল । একে বছৰতে সুশীল মোডীয়ে পাটনাত মানহানিৰ গোচৰ ৰুজু কৰিছিল । এতিয়া ৰাহুল গান্ধীক 12 এপ্ৰিলত পাটনা আদালতত শাৰীৰিকভাৱে উপস্থিত থাকিবলৈ আৰু তেওঁৰ বক্তব্যৰ বিষয়ে স্পষ্টীকৰণ দিবলৈ কোৱা হৈছে । পাটনাত বিগত শুনানিত ৰাহুলে জামিন লাভ কৰিছিল ।
লগতে পঢ়ক :Missile Misfires at Pokhran: পোখৰাণ ফায়াৰিং ৰেঞ্জত লক্ষ্যভ্ৰষ্ট ৩ মিছাইল; হতাহতৰ পৰা কথমপি ৰক্ষা
