নেশ্যনেল ডেস্ক, ২৪ ডিচেম্বৰ: পঞ্জাৱৰ লুধিয়ানা আদালতত বৃহস্পতিবাৰে সংঘটিত বোমা বিস্ফোৰণৰ আঁৰত প্ৰকৃততে কোন জড়িত হৈ আছে সেয়া এতিয়াও পোহৰলৈ অহা নাই । এই সন্দৰ্ভত পঞ্জাৱ আৰক্ষীৰ তদন্ত অব্যাহত থকাৰ মাজতে শুকুৰবাৰে মুখ্যমন্ত্ৰী চৰণজিৎ সিং চান্নীয়ে কয় যে, এই ঘটনাৰে ড্ৰাগছ মাফিয়া জড়িত থকাৰ সন্দেহ কৰা হৈছে(Charanjit Singh Channi suspects drug mafia link) । তেওঁ কয় যে, পঞ্জাৱ আৰক্ষীয়ে ড্ৰাগছ মাফিয়াৰ বিৰুদ্ধে তদন্ত আৰম্ভ কৰিছে । মোহালি আদালতত এটা গোচৰ তালিকাভুক্ত কৰাৰ পিছতে লুধিয়ানা আদালতত বিস্ফোৰণ সংঘটিত হৈছিল(Ludhiana court blast and drug mafia) ।
তেওঁ কয় যে, ইয়াৰ মাজত কোনো সম্পৰ্ক থাকিব পাৰে । উল্লেখ্য যে, বৃহস্পতিবাৰে লুধিয়ানাৰ জিলা আদালত চৌহদত বোমা বিস্ফোৰণৰ সংঘটিত হৈছিল । এই বিস্ফোৰণত এজন লোক নিহত হোৱাৰ লগতে আন ৬ জন আহত হয় । নিহত ব্যক্তিজনেই বিস্ফোৰণৰ সৈতে প্ৰত্যক্ষভাৱে জড়িত বুলি সন্দেহ কৰিছে আৰক্ষীয়ে ।
আনহাতে, এই ঘটনাৰ পাচতে শুকুৰবাৰে কেন্দ্ৰীয় আইন মন্ত্ৰী কিৰেণ ৰিজিজু অমৃতসৰ বিমানবন্দৰত উপস্থিত হয় আৰু লুধিয়ানা আদালতৰ বিস্ফোৰণস্থলী পৰিদৰ্শন কৰে(Kiren Rijiju visits district court complex in Ludhiana) । তেওঁ সংবাদ মাধ্যমক জনায় যে, কেন্দ্ৰীয় চৰকাৰে এই ঘটনাৰ পুংখানুপুংখ তদন্ত কৰাটো তেওঁলোকৰ দায়িত্ব বুলি বিবেচনা কৰে(Kiren Rijiju's reaction on Ludhiana bomb blast) ।
তেওঁ লগতে কয় যে, পঞ্জাৱ এখন অতি গুৰুত্বপূৰ্ণ ৰাজ্য আৰু সেয়েহে এনে ধৰণৰ ঘটনাৰ প্ৰতি গুৰুত্ব দিয়াটো প্ৰয়োজন আছে । মন্ত্ৰীগৰাকীয়ে লগতে কয় যে, এই বিষয়ে তেওঁ ৰাজ্যখনৰ বিষয়া, অধিবক্তা আৰু ন্যায়িক বিষয়াসকলৰ সৈতে আলোচনা কৰিব । ইফালে, গৃহ মন্ত্ৰালয়ে বোমা বিস্ফোৰণৰ সন্দৰ্ভত পঞ্জাৱ চৰকাৰৰ পৰা বিতং প্ৰতিবেদন বিচাৰিছে । প্ৰাৰম্ভিক অনুসন্ধান অনুসৰি, জিলা আদালত চৌহদত নিশা প্ৰায় ১২.১৫ বজাত এই বিস্ফোৰণ সংঘটিত হয় ।
লুধিয়ানাৰ আৰক্ষী আয়ুক্ত গুৰপ্ৰীত ভুল্লাৰে জনাইছে যে, বিস্ফোৰণটো আদালত ভৱনৰ দ্বিতীয় মহলাৰ এটা শৌচালয়ৰ ওচৰত সংঘটিত হৈছিল । এয়া মানৱ বোমা বিস্ফোৰণৰ ঘটনা বুলিও ভুল্লাৰে সন্দেহ প্ৰকাশ কৰে । কিয়নো বিস্ফোৰণস্থলীৰ ওচৰত এজন সন্দেহজনক লোকৰ মৃতদেহ উদ্ধাৰ হৈছিল । আৰক্ষীয়ে সন্দেহ কৰিছে যে, হয়তো লোকজনে বোমাটো কঢ়িয়াই আনিছিল অথবা তেওঁ বোমা বিস্ফোৰণৰ সময়ত ওচৰত আছিল ।
আৰক্ষীয়ে মৃত ব্যক্তিজনক চিনাক্ত কৰিবলৈ চেষ্টা কৰি আছে বুলিও আৰক্ষীয়ে বিষয়াগৰাকীয়ে জানিবলৈ দিয়ে । এগৰাকী প্ৰত্যক্ষদৰ্শীয়ে নিশ্চিত কৰে যে, বোমাটো আদালত চৌহদৰ শৌচাগাৰত ৰখা হৈছিল । তেওঁ লগতে কয় যে, আদালতত চেন্সৰ আৰু অন্যান্য অগ্নি-সুৰক্ষা সুবিধা সক্ৰিয় হৈ থকা নাই । বিস্ফোৰণৰ পিছতে ৰাজ্যখনত অধিক সতৰ্কতা জাৰি কৰা হৈছে ।
লগতে পঢ়ক:Blast in Ludhiana District Court : আদালতৰ ভিতৰত ভয়ংকৰ বিস্ফোৰণত নিহত এক
