নেশ্যনেল ডেস্ক,27 নৱেম্বৰঃ শুকুৰবাৰে ইংলেণ্ডৰ প্ৰধানমন্ত্ৰী বোৰিছ জনচনেৰে টেলিফোনিক বাৰ্তালাপত মিলিত হয় প্ৰধানমন্ত্ৰী নৰেন্দ্ৰ মোডী ৷ দুয়ো ৰাষ্ট্ৰতে ক’ভিড 19ৰ বাবে সন্মুখীন হোৱা বিভিন্ন প্ৰত্যাহ্বান সন্দৰ্ভত আলোচনা কৰে ৷ ইয়াৰ উপৰিও ক’ভিড 19ৰ ভেকচিন প্ৰস্তুত কৰাৰ ক্ষেত্ৰত ভাৰত আৰু ইংলেণ্ডে যুটীয়াভাৱে কাম কৰিব বুলিও প্ৰতিশ্ৰুতিবদ্ধ হয় প্ৰধানমন্ত্ৰী মোডী আৰু বোৰিচ জনচন ৷
BREXITৰ পৰৱৰ্তী যুগ আৰু ক’ভিডৰ পৰৱৰ্তী সময়ত দুয়ো দেশৰে মাজত বাণিজ্য, বৈজ্ঞানিক গৱেষণা, বিশেষজ্ঞ আৰু ছাত্ৰৰ ভ্ৰমণ, প্ৰতিৰক্ষা আৰু সুৰক্ষাৰ ক্ষেত্ৰত সহযোগিতা বৃদ্ধি কৰাৰ সম্ভাৱনা সন্দৰ্ভতো আলোচনা কৰে ৷ জলবায়ু পৰিৱৰ্তনৰ বিৰুদ্ধে যুঁজ দিবলৈ ভাৰত আৰু ইংলেণ্ডে যুটীয়াভাৱে International Solar Alliance আৰু the Coalition for Disaster Resilient Infrastructure ৰ মঞ্চত কাম কাৰাৰ সন্দৰ্ভটো তেওঁলোকে বিশেষভাৱে জোৰ প্ৰদান কৰে ৷
ভাৰত আৰু ইংলেণ্ডৰ অংশীদাৰিত্বৰ বাবে এটি উচ্চাকাংক্ষী দীৰ্ঘ্যম্যাদী ৰোডমেপ দ্ৰুতভাৱে প্ৰস্তুত ক্ষেত্ৰত কাম কৰি যোৱাৰ বাবে সিদ্ধান্ত গ্ৰহণ কৰে দুয়ো দেশৰ নেতাই ৷
